Home / កសិកម្ម / អ្នកស្រី សួន ម៉ានី រកចំណូលបាន២លានរៀលក្នុង១ខែពីដំណាំខ្ទឹមស្លឹក

អ្នកស្រី សួន ម៉ានី រកចំណូលបាន២លានរៀលក្នុង១ខែពីដំណាំខ្ទឹមស្លឹក

អ្នកស្រី សួន ម៉ានី រស់នៅក្នុងភូមិព្រៃវែង ឃុំស្រែក្នុង ស្រុកជុំគិរី ខេត្តកំពត បានចាប់រករបរដាំដុះខ្ទឹមស្លឹករយៈពេលជិត១ឆ្នាំ មកហើយ (ឆ្នាំ២០១៩) ក្រោយពីមានការណែនាំពីក្រុមយុវជនពន្លកបៃតងដែលគាំទ្រដោយអង្គការសេដាក ទាំងបច្ចេកទេសនៃការដាំដុះ និងផ្សាភ្ជាប់ផលខ្ទឹមទៅកាន់ទីផ្សារ។

ស្រី្តជាកសិកររូបនេះបានឱ្យដឹងថា យ៉ាងហោចណាស់គាត់អាចរកប្រាក់ចំណូលពីរបរដាំខ្ទឹមនេះបានយ៉ាងហោចណាស់ ២លាន រៀលក្នុង១ខែ ដែលស្មើនឹង៥០០ដុល្លារ។ ដោយមានស្វាមីជាអ្នកធ្វើការ និងគ្មានពេលច្រើនក្នុងការជួយកិច្ចការងារដាំដុះនេះឡើយ គឺអ្នកស្រី សួន ម៉ានីថា ទទួលរាប់រងក្នុងការដាំដុះខ្ទឹមនេះម្នាក់ឯងស្ទើរតែទាំងស្រុង។

ជាមួយនឹងភាពជោគជ័យនៃការដាំដុះផលដំណាំខ្ទឹមស្លឹកនេះ អ្នកស្រី សួន ម៉ានី ក៏បានចែករំលែកបទពិសោធន៍អំពីការដាំដុះផងដែរ។ ស្រីកសិកររូបនេះឱ្យដឹងថា ដំណាំខ្ទឹមគឺងាយក្នុងការជាំទឹក ហើយអាចរលួយខូចនៅពេលជាំទឹកខ្លាំង ដូចនេះត្រូវលើក រងឱ្យខ្ពស់នារដូវវស្សា ហើយដាក់ជីធម្មជាតិទ្រាប់បាត នៅមុនពេលដាំ។

អ្នកស្រីបន្តឲ្យដឹងទៀតថា នៅពេលដាំរួចបានពី១០ទៅ១៥ថ្ងៃ ត្រូវធ្វើជើងដាក់ជីធម្មជាតិម្តងទៀត ហើយក្រោយមកប្រមាណជា ២សប្តាហ៍ទៀតត្រូវធ្វើជើងជាថ្មី និងស្រោចជីទឹកធម្មជាតិដែលផលិតពីលាមកសត្វ។ ខ្ទឹមស្លឹកអាចប្រមូលផលបាននៅពេលវាមានអាយុចាប់ពី ៤០ទៅ៤៥ថ្ងៃ គឺទៅតាមស្ថានភាពជាក់ស្តែង៕

អាន វិចិត្រ

សហគមន៍សម្បូរសប្បាយ

Loading...

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ប៉ារ៉ាស៊ីត, ជំងឺកុកស៊ីដ្យូស៊ីស, ជំងឺខ្វិន, ជំងឺសួត, ជំងឺរលាកស្បែក, ជំងឺហើមពោះ, ជំងឺរលាកដោះ, ជំងឺអុតក្តាម, ជំងឺសារទឹក, ជំងឺបុស្តខ្យល់

ការការពារ និងការព្យាបាលប៉ារ៉ាស៊ីតខាងក្រៅ ការការពារមានប្រសិទ្ធភាពគឺចាប់ផ្តើមជាមួយការរក្សាក្រោល និងបរិវេណជុំវិញឲ្យបានស្អាតដោយពុំឲ្យមានប៉ារ៉ាស៊ីត។ ប៉ារ៉ាស៊ីត ឬចៃពងនៅតាមប្រហោងក្តារ ឬឈើដែលប្រេះ ដើម្បីជៀសវាងបញ្ហានេះ អ្នកត្រូវលាបទ្រុងពពែដោយប្រើប្រេងម៉ាស៊ីន។