Home / Uncategorized / ស្ថានីយ៍ផលិតពូជត្រី ៧ មករា មានលក់កូនត្រី

ស្ថានីយ៍ផលិតពូជត្រី ៧ មករា មានលក់កូនត្រី

មានប្រជាពលរដ្ឋមួយចំនួន ពីសេសអ្នកនៅប៉ែកខាងត្បូងខេត្តកណ្តាល និងរាជធានីភ្នំពេញ ចង់ចិញ្ចឹមត្រីជាលក្ខណៈគ្រួសារ ប៉ុន្តែមិនដឹងទៅទិញកូនត្រីនៅកន្លែងណា។ នៅពេលនេះ សហគមន៍សម្បូរសប្បាយ ប្រាប់ទីតាំងមួយកន្លែងដែលមានលក់កូនត្រីជាច្រើនប្រភេទ ពិសេសកូនត្រីអណ្តែង។

បងប្អូនធ្វើដំណើរទៅដល់រង្វង់មូលក្រុងតាខ្មៅ រួចបន្តដំណើរទៅស្រុកស្អាង ខេត្តកណ្តាល រហូតដល់ស្ពានថ្មមួយ បងប្អូននឹងឃើញសាលាសង្កាត់រកាខ្ពស់ នៅខាងស្តាំដៃចុងស្ពានខាងត្បូង (មើលរូបខាងក្រោម)។

បន្តដំណើរទៅមុខទៀតដោយឆ្លងស្ពានថ្មមួយចំនួន លុះដល់ស្ពានថ្មមួយទៀតនឹងឃើញស្លាក ស្ថានីយ៍ផលិតពូជត្រី ៧ មករា នៅខាងស្តាំដៃចុងស្ពានខាងត្បូង (មើលរូបខាងក្រោម)។

បងប្អូនបន្តដំណើរដោយបត់ស្តាំ គឺចុះពីផ្លូវជាតិទៅតាមផ្លូវលំស្របនឹងស្លាកស្ថានីយ៍ផលិតពូជត្រី ៧ មករានេះ ប្រហែល​២​គីឡូ​ម៉ែត្រ នឹងឃើញផ្លូវបត់ចូលទៅតំបន់ចិញ្ចឹមត្រី និងលក់កូនត្រី (មើលរូបខាងក្រោម)។

សូមបងប្អូនសួរអ្នកបំរើការងារនៅតំបន់នោះ ដើម្បីរកផ្លូវទៅទីតាំងលក់កូនត្រី បើមិនសួរអាចរកមិនឃើញទេ ពីព្រោះទីធ្លានោះធំពេក ពិសេសរករោង ឬទ្រុងចិញ្ចឹមពពែឲ្យឃើញដែលនៅចុងខាងត្បូងនៃតំបន់នោះ រួចជិះតាមផ្លូវស្របនឹងទ្រុងពពែនេះរហូតដល់ផ្លូវទល់ បងប្អូននឹងទៅដល់ទីតាំងលក់កូនត្រីនោះជាមិនខាន (មើលរូបខាងក្រោម)។

ស្ថានីយ៍ផលិតពូជត្រី ៧ មករា ស្ថិតនៅភូមិព្រែកសេវ សង្កាត់រកាខ្ពស់ ស្រុកស្អាង ខេត្តកណ្តាល។ ព័ត៌មានបន្ថែមសូមទាក់ទង​លេខទូរស័ព្ទ ០៦៩ ៩៩៩ ១៦៨ / ០៩៥ ៥៥៩ ៥៥៩៕

រក្សា ខ្មែរ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

អ្នកមិនអាចដឹកនាំបានទេ ពេលអ្នកភ័យខ្លាច

សេចក្តីភ័យខ្លាចបំផ្លាញជីវិតស្រស់ថ្លារបស់អ្នក ច្រើនជាងអ្វីដែលអ្នកអាចគិតដល់។ ក្នុងគុណសម្បត្តិជាមនុស្ស យើងគ្រប់គ្នាមានសក្តានុពល ក្លាយជាអ្នកដឹកនាំដោយមិន​ចាំបាច់មានឋានៈ​តួនាទី ហើយអាចសម្រេចកិច្ចការធំៗ ដែលជួយជំរុញទឹកចិត្តអ្នក​នៅជុំវិញយើង តាមរយៈភាពជាគំរូឈានមុខរបស់យើង។ ក៏ប៉ុន្តែ សំឡេងភ័យខ្លាច ដែលបន្លឺតិចៗ ចេញពីគំនិត​របស់អ្នក រារាំងអ្នក​មិនឲ្យហ៊ានធ្វើកិច្ចការ​ធំៗទាំងឡាយដែល​អ្នកចង់សាកល្បង។ កាលពីឆ្នាំមុន ខ្ញុំមានឱកាសបាន​ទៅកំសាន្តនៅ​ប្រទេសនូវែលសេឡង់​រយៈពេល …