Home / កសិកម្ម / កសិដ្ឋានពហុប្រយោជន៍ / អាមីដុង, ប្រេង ខ្លាញ់, វីតាមីនអា ឬជីវជាតិអា, វីតាមីនបេ, វីតាមីនសេ

អាមីដុង, ប្រេង ខ្លាញ់, វីតាមីនអា ឬជីវជាតិអា, វីតាមីនបេ, វីតាមីនសេ

អាមីដុង  ជាអាហារដ៏ចំបង និងជាប្រភពផ្តល់ថាមពលដ៏សំខាន់ដល់រាងកាយយើង។ អាមីដុង ឬពពួកជាតិម្សៅនេះមានច្រើននៅក្នុងអង្ករ ពោត ដំឡូង។ល។

ប្រេង ខ្លាញ់   គឺជាអាហារថាមពលហើយក៏ជួយរក្សាស្បែកឲ្យរលោង និងមានសុខភាពល្អ។ យើងបានប្រេងពីគ្រាប់ធញ្ញជាតិ ដូចជាគ្រាប់សណ្តែកដី សណ្តែកសៀង ល្ងរ គ្រាប់ផ្កាឈូករ័ត្ន និងត្រី សាច់ ស៊ុត​ ទឹកដោះគោក៏មានជាតិប្រេងដែរ។

វីតាមីនអា ឬជីវជាតិអា   ជួយឲ្យភ្នែកភ្លឺល្អមើលឃើញច្បាស់។ ប្រភពដ៏ល្អបំផុតសំរាប់ជីវជាតិអា គឺស្លឹកបន្លែពណ៌បៃតងមានដូចជាត្រកួន ផ្ទី ស្ពៃ ផ្លែឈើដែលមានពណ៌លឿង ដំឡូងជ្វាពណ៌លឿង ស៊ុត ឬថ្លើមសត្វ។ល។

វីតាមីនបេ  ជួយដល់ស្បែក ភ្នែក សរសៃប្រសាទ និងឈាម។ ការខ្វះជីជាតិបេ អាចបណ្តាលឲ្យខ្វះឈាម ខ្សោយកំលាំង ស្បែកស្ងួតក្រៀម ហើមខ្លួន ព្រមទាំងពុំមានប្រាជា្ញស្មារតីល្អផង។ ជីវជាតិបេ ស្ថិតនៅក្នុងស្លឹកបន្លែ អង្ករ សាច់សត្វ និងថ្លើមសត្វជាដើម។

វីតាមីនសេ ​ ជំនួយក្នុងការការពារទប់ទល់នឹងជំងឺផ្សេងៗជួយឲ្យការមុត ឬរបួសផ្សេងៗឆាប់ជាសះស្បើយ និងជួយឲ្យអញ្ចាញធ្មេញបានល្អ។ ប្រភពដ៏ល្អសំរាប់ជីវជាតិសេ គឺបន្លែយកស្លឹក (ស្ពៃ ត្រកួន…) ផ្លែត្របែក ល្ហុង ក្រូចពោធិ៍សាត់ ក្រូចថ្លុង ក្រូចឆ្មារ​។ល។

ប្រភព ទស្សនាវដ្តីកសិករ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

បទពិសោធន៍ចិញ្ចឹមត្រីអណ្តែងក្នុងរណ្តៅប្លាស្ទិក (កសិករ មាស អូន)

អ្នកមីង មាស អូន ជាកសិកររស់នៅភូមិដូងវាល ឃុំក្តឿងរាយ ស្រុកកញ្ច្រៀច ខេត្តព្រៃវែង។ គាត់មានបទពិសោធន៍ល្អក្នុងការចិញ្ចឹមត្រីក្នុងរណ្តៅប្លាស្ទិក ដែលគាត់បានទទួលការបណ្តុះបណ្តាលពីអង្គការសេដាក។ ក្រោយពីចិញ្ចឹមបានរយៈពេល៣ខែ ត្រីរបស់គាត់មានទំងន់៣ខាំក្នុងមួយក្បាល ដែលអាចចាប់លក់ និងធ្វើម្ហូបបានជាបណ្តើរៗ។ ចំពោះបទពិសោធន៍មានបង្ហាញជូនដូចខាងក្រោម៖