Home / កសិកម្ម / បទពិសោធន៍ធ្វើជីផ្សំពីទឹកបាយ​​ និងទឹកអង្ករ

បទពិសោធន៍ធ្វើជីផ្សំពីទឹកបាយ​​ និងទឹកអង្ករ

អ្នកមីង ប៉ិច​ សាវ ជាកសិកររស់នៅភូមិកាហែង ឃុំកាហែង ស្រុកសំរោងទង ខេត្តកំពង់ស្ពឺ។ គាត់មានបទពិសោធន៍ល្អមួយក្នុងការផ្សំទឹកជីស្រោចទៅលើដំណាំក្រកួន ហើយទទួលបានលទ្ធផលល្អ ដែលបទពិសោធន៍នេះគាត់ច្នៃប្រឌិតដោយខ្លួនឯង។ ចំណែករបៀបផ្សំ និងការប្រើប្រាស់បង្ហាញជូនដូចខាងក្រោម៖

១. សំភារៈ ឬឧបករណ៍

  • ពាងទឹកមានចំណុះ ២៩០លីត្រ
  • ឈើសម្រាប់កូរ ហើយគំរបពាង។

២. របៀបធ្វើ

  • ទឹកអង្ករដែលទទួលបានពីការលាងអង្ករពេលដាំបាយត្រូវយកមកចាក់ចូលក្នុងពាងរៀងរាល់ពេលដែលបានលាងអង្ករ
  • ទឹកបាយក្រោយពេលបាយពុះទុកឲ្យត្រជាក់ រួចដួសដាក់ចួលក្នុងពាង ដែលយើងដាក់ទឹកអង្ករនោះផងដែរ
  • បន្តធ្វើដូចនោះរាល់ពេលរហូតដល់រយៈពេល១ខែ ទើបយើងឈប់ធ្វើរួចគ្របវាឲ្យជិត ទុករយៈពេល ៣ថ្ងៃដោយមិនបើកគំរបពាង
  • ពាងទឹកអង្ករដែលរក្សាទុកត្រូវដាក់នៅក្រោមម្លប់ដើមឈើ ឬកន្លែងម្លប់ដទៃទៀតក៏បាន។

៣. របៀបប្រើ

នៅពេលប្រើគាត់បានយកទឹកជី១កំប៉ុងទឹកដោះគោលាយជាមួយទឹកធម្មតា៥លីត្រ។១អាទិត្យស្រោច ២ដង រីឯការស្រោចធ្វើឡើងនៅពេលល្ងាច។

៤. ចំណាប់អារម្មណ៍របស់កសិករ

អ្នកមីងបានមានប្រសាសន៍ថា ទឹកជីនេះគាត់បានសាកល្បងប្រើលើដំណាំត្រកួនមួយមុខទេ។​ ក្រោយពេលប្រើប្រាស់រួចមកឃើញថា វាមានឥទ្ធិពលល្អទៅលើការដុះលូតលាស់របសត្រកួន ព្រោះគាត់បានសង្កេតឃើញថា ត្រកួនមានដើមថ្លោស ខ្ចី និងលូតលាស់លឿន៕

ប្រភព ទស្សនាវដ្តីកសិករ

សហគមន៍សម្បូរសប្បាយ

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

វិធីធ្វើទឹកខ្ញី (សំរាប់អ្នកចង់បង្កើតសិប្បកម្មធ្វើទឹកខ្ញី)

មានបងប្អូនជាច្រើនក្នុងមួយថ្ងៃៗ គឺបានខិតខំគិតរកមុខរបរចិញ្ចឹមជីវិត ក្នុងនោះក៏មានការកែច្នៃផលិតផលផងដែរ។ នៅ​ពេលនេះ​ សហគមន៍សម្បូរសប្បាយ បង្ហាញនូវអត្ថបទមួយដែលនិយាយអំពីការធ្វើទឹកខ្ញី មានក្បួនខ្នាតត្រឹមត្រូវ ពិសេសត្រូវនឹងអ្នកមានបំណងបង្កើតសិប្បកម្មធ្វើទឹកខ្ញីនេះ។