Home / ព័ត៌មាន / អនុក្រឹត្យ ស្តីពី ការបង្កើតតំបន់ការពារទេសភាព«បឹងលំកុដ»

អនុក្រឹត្យ ស្តីពី ការបង្កើតតំបន់ការពារទេសភាព«បឹងលំកុដ»

បឹងលំកុដ គឺជាបឹងមួយដែលមានទេសភាពស្រស់ស្អាត មិនចាញ់បឹងយក្ខឡោម ដែលគេនាំគ្នាល្បីនោះទេ ទាំងផ្ទៃបឹង ទេសភាពជុំវិញបឹង ប៉ុន្តែមានទំហំតូចជាងបឹងយក្ខឡោម។ បឹងលំកុដទើបត្រូវបានគេប្រទះឃើញ ស្ថិតនៅក្នុងភូមិសមុត្រលើ ឃុំសេដា ស្រុកលំផាត់ ខេត្តរតនគិរី។

បឹងនេះត្រូវបានរដ្ឋាភិបាលចេញអនុក្រឹត្យ ចុះថ្ងៃទី ២៥ ខែធ្នូ ឆ្នាំ២០១៨ ស្តីពី ការបង្កើតតំបន់ការពារទេសភាព «បឹងលំកុដ» ដែលមានផ្ទៃដីទំហំ ១១០,៩១ (មួយរយដប់ហិកតា និងកៅសិបមួយអា) ស្ថិតក្នុងភូមិសាស្ត្រ ឃុំសេដា ស្រុកលំផាត់ ខេត្តរតនគិរី។ បឹងលំកុដ មានចម្ងាយប្រមាណ២៧គីឡូម៉ែត្រពីផ្លូវបំបែកទីរួមស្រុកលំផាត់។ បឹងនេះមានទម្រង់ស្រដៀងគ្នាទៅនឹងបឹងយក្ខឡោម ផ្ទៃទឹកបឹង និងសម្រស់ទេសភាពជុំវិញបឹង ខុសគ្នាត្រង់បឹងនេះមានរាងទ្រវែង និងតូចជាងបឹងយក្ខឡោមបន្តិច។ អ្វីដែលគួរឱ្យទាក់ទាញអារម្មណ៍ទៀតនោះ គឺបឹងនេះនៅពេលល្ងាចភ្ញៀវទេសចរអាចឈរគយគន់ថ្ងៃលិចបាំងបិតនឹងដុំពពកខ្មៅបង្កើតទៅជាស្បែរាត្រីនៃភពផែនដីដោយក្តីរីករាយ៕

 

 

Loading...

អំពី anvicheth

អត្ថបទពាក់ព័ន្ធ

បទពិសោធន៍ស្ទូងស្រូវ​ ប.វ.ស. ដោយគ្របចំបើង

បងស្រី វ៉ាត សុភី ជាកសិកររស់នៅភូមិដំរីឆ្លង ឃុំខ្នារពោធិ៍ ស្រុកសូត្រនិគម ខេត្តសៀមរាប។ គាត់បានសហការជាមួយអង្គការហ្រ្គេត នៅដើមឆ្នាំ២០១០ ទៅលើបច្ចេកទេស ប.វ.ស. នៅលើផ្ទៃដី ៨១អារ​ដោយប្រើពូជស្រូវផ្ការំដួលចំនួន១២គីឡូក្រាម។