Home / ព័ត៌មាន / ស្ពានកោះប៉ែន ក្លាយជាកន្លែងលំហែកាយនាពេលល្ងាចរបស់ក្រុមយុវវ័យ

ស្ពានកោះប៉ែន ក្លាយជាកន្លែងលំហែកាយនាពេលល្ងាចរបស់ក្រុមយុវវ័យ

ស្ពានថ្មកោះប៉ែននេះបានចាប់សាងសង់ឡើងដំបូងនៅខែឧសភា ឆ្នាំ២០១១ និងរួចរាល់នៅឆ្នាំ២០១៨ ហើយសម្ពោធដាក់ឱ្យប្រើប្រាស់ជាផ្លូវការនៅថ្ងៃទី១៤ ខែមីនា ឆ្នាំ២០១៨។ ស្ពាននេះមានទីតាំងស្ថិតនៅក្នុងភូមិសាស្ត្រទឹកដីកោះកំពង់ត្រុំ ឃុំកោះមិត្ត ស្រុកកំពង់សៀម ត្រើយខាងកើតទន្លេមេគង្គក្នុង និងត្រើយខាងលិចទន្លេមេគង្គក្នុង ស្ថិតនៅសង្កាត់សំបូរមាស ក្រុងកំពង់ចាម។

បើតាមរបាយការណ៍របស់ក្រសួងសាធារណការ និងដឹកជញ្ជូនបានឱ្យដឹងថា ស្ពាននេះមានបណ្តោយប្រវែង៧៧៩ម៉ែត្រ ទទឹងប្រវែង៩,២០ម៉ែត្រ ដែលត្រូវចំណាយទឹកប្រាក់អស់ប្រមាណជាង ១៣លាន ដុល្លារអាមេរិក។ ស្ពាននេះអាចទ្រទំងន់បានពីចន្លោះ ២០-៣០តោន។

ជារៀងរាល់ពេលល្ងាចគេតែងសង្កេតឃើញថា នៅតាមបណ្តោយសងខាងនៃបង្កាន់ដៃស្ពានកោះប៉ែន គឺជាទីណាត់ជួបនៃក្រុម​យុវវ័យទាំងឡាយមកលំហែកាយសប្បាយខ្ញៀវខ្ញារ ដោយនៅគល់ស្ពានត្រើយខាងកើតមានលក់ដូររបស់អូបចុក ដែលបង្កើតបានជាភាពអ៊ូអរផងដែរ៕

អាន វិចិត្រ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

បទពិសោធន៍ស្ទូងស្រូវ​ ប.វ.ស. ដោយគ្របចំបើង

បងស្រី វ៉ាត សុភី ជាកសិកររស់នៅភូមិដំរីឆ្លង ឃុំខ្នារពោធិ៍ ស្រុកសូត្រនិគម ខេត្តសៀមរាប។ គាត់បានសហការជាមួយអង្គការហ្រ្គេត នៅដើមឆ្នាំ២០១០ ទៅលើបច្ចេកទេស ប.វ.ស. នៅលើផ្ទៃដី ៨១អារ​ដោយប្រើពូជស្រូវផ្ការំដួលចំនួន១២គីឡូក្រាម។