Home / កសិកម្ម / របៀបផលិតជី ជីវ:ទឹក

របៀបផលិតជី ជីវ:ទឹក

ផ្លែឈើទុំអាចធ្វើជាជីបំប៉ន​សំរាប់ការលូតលាស់ដល់រុក្ខជាតិ និងសត្វបានយ៉ាងល្អ ចំពោះវិធីសាស្រ្ត​នៃ​ការ​ផលិតជីជីវ:ទឹក (ជីជីវ:​ទឹកដែលផ្សំឡើងពីផ្លែឈើទុំ និងស្កររងូ) មានបង្ហាញជូនដូចខាងក្រោម៖

១. សារធាតុផ្សំ

  • ផ្លែឈើទុំដូចជា ផ្លែចេក និងល្ហុង…ចំនួន ៣គីឡូក្រាម (៣ភាគ)
  • ស្ករត្នោត ឬស្កររងូរ ចំនួន ១ គីឡូក្រាម (១ភាគ)។

២. របៀបធ្វើ

  • យកផ្លែឈើទុំមកបកសំបកចេញ រួចចិតជាចំណិតតូចៗ
  • ចាក់ស្ករត្នោត ឬស្កររងូលាយចូលជាមួយផ្លែឈើ រួចច្របល់វាឲ្យសព្វ
  • ចាក់សារធាតុទាំអស់ដែលបានច្របល់រួចចូលទៅក្នុងកែវ រួចបិទគម្របឲ្យជិតរក្សាទុកក្រោមម្លប់ត្រជាក់ ។ ​ក្នុងកំឡុងពេលរក្សាទុកនេះ ត្រូវមូលគម្របបន្ធូរប្តិចរួចបិទវិញ ដើម្បីឲ្យមានខ្យល់ចូលរយ:ពេល ២ ទៅ ៣នាទី។ រក្សាទុករយ:ពេល​១៥ថ្ងៃ អាចយកមកលាយជាមួយទឹកស្រោចទៅលើដំណាំបាន។

៣. របៀបប្រើ

  • យកទឹកមេជី ៣ទៅ៥ ស្លាបព្រាបាយ លាយជាមួយទឹកធម្មតា ១០លីត្រ សំរាប់ស្រោចលើដំណាំ
  • គេអាចប្រើទឹកមេជីនេះ ស្រោចទៅលើគំនរជីកំប៉ុស្តគោកដើម្បីឲ្យជីឆាប់កាច់
  • អាចយកមេជីលាយជាមួយទឹក ឬចំណីសំរាប់បំប៉នសត្វចិញ្ចឹម (ជាពិសេសសត្វមាន់) ជួយឲ្យមានសុខភាពល្អឆាប់ធំ៕

ប្រភព ទស្សនាវដ្តីកសិករ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

រវៀង ជារុក្ខជាតិឱសថ, កបនឹងជំងឺ នោមលឿង នោមតិច ធ្វើឲ្យសក់ទន់ រលាកអញ្ចាញធ្មេញ ធ្វើឲ្យធ្មេញរឹងល្អ ទឹកនោមផ្អែម របេង