Home / កសិកម្ម / តើហេតុអ្វី ត្រូវដាំសណ្តែកខៀវ ឬ សណ្តែកបាយ នៅចន្លោះស្វាយចន្ទី? 

តើហេតុអ្វី ត្រូវដាំសណ្តែកខៀវ ឬ សណ្តែកបាយ នៅចន្លោះស្វាយចន្ទី? 

នៅពេលដែលអ្នកដាំស្វាយចន្ទី ឬដាំដំណាំផ្សេងៗ ដែលមានរយៈពេលយូរទើបបានផលនោះ អ្នកប្រឈមនឹងការចំណាយផ្សេងៗ ដើម្បីថែរក្សាដំណាំរបស់អ្នក ដូចជាការកាត់ស្មៅ ដាក់ជីបន្ថែមទៅលើដំណាំទាំងនោះឱ្យវាលួតលាស់បានល្អ។ ប៉ុន្តែនៅពេលអ្នកដាំសណ្តែកនៅតាមចន្លោះដីទំនេរ នោះវានឹងជួយថែរក្សាដំណាំជំនួសអ្នក និងមិនតែប៉ុណ្ណោះវាថែមទាំងជួយរកចំណូលឱ្យអ្នកថែមទៀតផង។

លោកបណ្ឌិត យ៉ង សាំងកុមារ អតីតប្រធានអង្គការសេដាក់ បានមានប្រសាសន៍ឲ្យគេហទំព័រសម្បូរសប្បាយដឹងថា ការដាំសណ្តែកនៅចន្លោះស្វាយចន្ទី ឬដើមឈើផ្សេងៗទៀត វានាំមកនូវផលប្រយោជន៍ជាច្រើន៖

  1. សណ្តែកនាំជីអាហ្សូតមកដីហើយពេលរលួយក្លាយជាជីដ៏ល្អ
  2. ឫសសណ្តែកជួយឱ្យដីផុសល្អ
  3. ជួយគ្របដីការពារស្មៅកុំឱ្យដុះ
  4. ការពារការហូរសឹក ឬ ហូរច្រោះ
  5. ផ្តល់ផល និងចំណូលថែមខ្លះៗ
  6. កាត់បន្ថយចំណាយលើជី និងថ្នាំបាញ់សម្លាប់ស្មៅ។

ហេតុនេះ ជាការសមស្របណាស់ ដែលកសិករគួរដាំសណ្តែកខៀវ ឬ សណ្តែកបាយ និងសណ្តែកអង្គុយ នៅចន្លោះដើមឈើ៕

អាន វិចិត្រ

សហគមន៍សម្បូរសប្បាយ

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ប្រវែងបង្គោល ជំរៅរណ្តៅ និងគំលាតបង្គោល (ជន្លង់) មួយទៅមួយ សម្រាប់ដាំដំណាំស្រកានាគ

មានបងប្អូនមួយចំនួនដែលមានបំណងដាំដំណាំស្រកានាគ ប៉ុន្តែមិនទាន់យល់ច្បាស់ ឬដឹងអស់អំពីការដាំដំណាំនេះ ក្នុងនោះក៏មានចំងល់រឿងប្រវែងបង្គោល ជំរៅរណ្តៅ និងគំលាតបង្គោល (ជន្លង់) សម្រាប់ដាំផងដែរ។ ខាងក្រោមនេះ គឺជាការពន្យល់និងបង្ហាញរូបភាព ដែលដកស្រង់ចេញពីបទពិសោធន៍របស់កសិករខ្មែរ និងបរទេស។