Home / កសិកម្ម / លោក ហ៊ី ហៀក «គេធ្វើចម្ការខាត តែខ្ញុំធ្វើមិនដែលខាត»

លោក ហ៊ី ហៀក «គេធ្វើចម្ការខាត តែខ្ញុំធ្វើមិនដែលខាត»

ស្ថិតក្នុងវ័យ ៦០ឆ្នាំប្លាយ លោក ហី ហៀក ឬហៅ តាវ៉ែនតា រស់នៅតំបន់ថ្មលក ស្ថិតក្នុងភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ គឺចាប់តាំងពីធ្វើចម្ការមក លោកពុំដែលខាតឡើយ ខណៈកសិករមួយចំនួនផ្សេងទៀតតែងរអ៊ួពីការខាតបង់ដោយសារការធ្វើចម្ការ។

ថ្លែងមកកាន់ក្រុមការងារសម្បូរសប្បាយ លោក ហ៊ី ហៀក ឱ្យដឹងថា លោកពុំដែលខាតដោយសារការធ្វើចម្ការនេះម្តងណាឡើយ បើទោះជាគេផ្សេងឮតែថាខាតបង់។ អ្វីដែលធ្វើឱ្យលោក ហ៊ី ហៀក មិនធ្លាប់ខាតបង់ពីការធ្វើចម្ការ ក៏ព្រោះតែលោកធ្វើចម្ការមានប្រឹសច្រើន។ ប្រឹសច្រើនដែលលោក ហ៊ី ហៀក ចង់សំដៅនៅទីនេះគឺថា នៅចម្ការរបស់លោក មិនធ្វើតែដំណាំមួយមុខនោះទេ ពោលគឺនៅក្នុងចម្ការមួយត្រូវដាំដំណាំប្រភេទយូរអង្វែងផង និងប្រភេទដំណាំឆាប់ផ្តល់ផលផង។

លោក ហ៊ី ហៀកបន្ថែមឱ្យដឹងថា នៅក្នុងចម្ការតាង៉ែងរបស់លោកមានដាំចេក ល្ហុង និងទៀបផងដែរ ព្រមទាំងមានដំណាំបន្ទាប់បន្សំផ្សេងៗទៀត ដែលជាប្រភេទដំណាំមិនប៉ះពាល់ និងរងឥទ្ធិពលដល់គ្នានឹងគ្នា។ លោកថា ការធ្វើបែបនេះគឺមិនធ្វើឱ្យចំណូលគ្រួសារមានការរាំងស្ទះឡើយ ប៉ុន្តែបើចម្ការមួយដាំតែមួយមុខនោះនឹងធ្វើឱ្យកសិករមានការខាតបង់ច្រើនជាមិនខាន៕

អាន វិចិត្រ

សហគមន៍សម្បូរសប្បាយ

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ប្រវែងបង្គោល ជំរៅរណ្តៅ និងគំលាតបង្គោល (ជន្លង់) មួយទៅមួយ សម្រាប់ដាំដំណាំស្រកានាគ

មានបងប្អូនមួយចំនួនដែលមានបំណងដាំដំណាំស្រកានាគ ប៉ុន្តែមិនទាន់យល់ច្បាស់ ឬដឹងអស់អំពីការដាំដំណាំនេះ ក្នុងនោះក៏មានចំងល់រឿងប្រវែងបង្គោល ជំរៅរណ្តៅ និងគំលាតបង្គោល (ជន្លង់) សម្រាប់ដាំផងដែរ។ ខាងក្រោមនេះ គឺជាការពន្យល់និងបង្ហាញរូបភាព ដែលដកស្រង់ចេញពីបទពិសោធន៍របស់កសិករខ្មែរ និងបរទេស។