Home / ព័ត៌មាន / ខ្ញុំ (អ្នកស្រី សុខ ទូច) មិនប្រើថ្នាំគីមីលើដំណាំទេ ព្រោះមិនចង់បង្កើនបន្ទុកចំណាយ
អ្នកស្រី សុខ ទូច

ខ្ញុំ (អ្នកស្រី សុខ ទូច) មិនប្រើថ្នាំគីមីលើដំណាំទេ ព្រោះមិនចង់បង្កើនបន្ទុកចំណាយ

ជាកសិករ រស់នៅក្នុងភូមិត្រពាំងស្រែ ឃុំត្រពាំងភ្លាំង ស្រុកឈូក ខេត្តកំពត អ្នកស្រី សុខ ទូច បានថ្លែងប្រាប់ក្រុមការងារសម្បូរសប្បាយឱ្យដឹងថា ចាប់តាំងពីប្រកបរបរជាអ្នកដាំបន្លែ គឺអ្នកស្រីបានតាំងចិត្តរួចហើយនៅមុនពេលចាប់ផ្តើមដាំបន្លែ គឺអ្នកស្រីមិនប្រើប្រាស់ថ្នាំគីមីដាក់ និងបាញ់ទៅលើបន្លែរបស់គាត់ឡើយ ព្រោះមិនចង់បង្កើនទៅលើការចំណាយ។

បន្លែដែលអ្នកស្រី ទូច ដាំគឺសណ្តែកកួរ ដោយសារដំណាំសណ្តែកកួរងាយដាំ និងបានផលល្អដោយប្រើប្រាស់ជីកំប៉ុស្តជំនួសជីគីមី ដែលជីនេះគឺគាត់បានផលិតឡើងដោយខ្លួនឯង ក្រោយពីទទួលបានចំណេះដឹងពីអង្គការនានា ក្នុងនោះមានអង្គការសេដាកផងដែរ។

អ្នកស្រី សុខ ទូច បានរៀបរាប់ថា ជីកំប៉ុសគាត់ផលិតដោយខ្លួនឯង ដើម្បីដាក់ទៅលើដំណាំរបស់គាត់ ហើយបើទោះជាពេលខ្លះមិនសូវជាបានផលល្អដោយយថាហេតុណាមួយ ក៏គាត់មិនបានខាតបង់លុយកាក់ ដូចដែលគាត់ទិញជីគីមីពីផ្សារដែរ។ មិនត្រឹមតែអនុវត្តដោយខ្លួនឯងទេ ស្តី្ររូបនេះក៏បានណែនាំទៅដល់កសិករនានាកុំឱ្យប្រើប្រាស់ថ្នាំគីមី ដើម្បីកាត់បន្ថយការចំណាយថ្លៃដើមខ្ពស់ និងងាកមកប្រើប្រាស់ជីកំប៉ុសវិញ។

សណ្តែកកួរដែលអ្នកស្រី សុខ ទូច ដាំមានចំនួន ២០រង ដែល១ង មានប្រវែងបណ្តោយ ២០ម៉ែត្រ៕

អាន វិចិត្រ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

បទពិសោធន៍ស្ទូងស្រូវ​ ប.វ.ស. ដោយគ្របចំបើង

បងស្រី វ៉ាត សុភី ជាកសិកររស់នៅភូមិដំរីឆ្លង ឃុំខ្នារពោធិ៍ ស្រុកសូត្រនិគម ខេត្តសៀមរាប។ គាត់បានសហការជាមួយអង្គការហ្រ្គេត នៅដើមឆ្នាំ២០១០ ទៅលើបច្ចេកទេស ប.វ.ស. នៅលើផ្ទៃដី ៨១អារ​ដោយប្រើពូជស្រូវផ្ការំដួលចំនួន១២គីឡូក្រាម។