Home / កសិកម្ម / (បណ្ឌិត យ៉ង សាំងកុមារ) គំនិត៣ជួយឲ្យកសិករត្រៀមខ្លួនបានល្អដើម្បីឲ្យស្រែមានជីជាតិគ្រប់គ្រាន់សម្រាប់ចិញ្ចឹមស្រូវនៅរដូវវស្សា

(បណ្ឌិត យ៉ង សាំងកុមារ) គំនិត៣ជួយឲ្យកសិករត្រៀមខ្លួនបានល្អដើម្បីឲ្យស្រែមានជីជាតិគ្រប់គ្រាន់សម្រាប់ចិញ្ចឹមស្រូវនៅរដូវវស្សា

ការថែរក្សាជីជាតិឲ្យល្អ និងការធ្វើឲ្យដីមានជីធម្មជាតិគ្រប់គ្រាន់ជាកត្តាចាំបាច់​សម្រាប់ជួយឲ្យកសិករទទួលបានផលស្រូវច្រើន​ និងបានប្រាក់ចំណេញខ្ពស់ពីមុខរបរធ្វើស្រែ។​ ដើម្បីឲ្យកសិករត្រៀមខ្លួនបានល្អ​ ក្នុងការធានាឲ្យដីមានជីជាតិគ្រប់គ្រាន់សម្រាប់ការធ្វើស្រូវរដូវវស្សានេះ​ យើងខ្ញុំសូមផ្ដល់ជូននូវគំនិតសំខាន់ៗចំនួនបី៣ ដូចខាងក្រោម៖

  1. ការសន្សំជីធម្មជាតិឲ្យបានច្រើន
  2. ការការពារ និងប្រើជញ្រ្ជាំងស្រូវ
  3. ការគ្របដី។

១. ការសន្សំជីធម្មជាតិឲ្យបានច្រើន

នៅជុំវិញខ្លួនកសិករ សម្បូរទៅដោយសារធាតុសរីរាង្គ ដែលអាចយកមកប្រើធ្វើជីធម្មជាតិបាន ដូច​ជា លាមកសត្វ​ ស្លឹក​ឈើ ចំបើង អង្កាម កំប្លោក កាកអំពៅ កាកសំណល់ផ្ទះបាយ កាកសំណល់រុក្ខជាតិ និងសត្វផ្សេងៗ។ កសិករគួរតែឧស្សាហ៍ប្រមូល​សារធាតុសរីរាង្គទាំងនេះ មកដាក់ក្នុងរណ្ដៅ ឬទ្រុងជី។ ក្រៅពីនេះគេគួរប្រមូលជីមមោកព្រៃ  ដីបាត់ស្រែ ត្រពាំង ប្រឡាយ ដីដំបូង យកមកដាក់លាយជាមួយគ្នា ចំពោះអ្នកដែលមានឡជីឧស្ម័ន​ គេគួរយកកាកសំណល់ឡ មកដាក់លាយជាមួយសារធាតុសរីរាង្គ ហើយទុកឲ្យរលួយល្អ​ មុននឹងយកមកប្រើដើម្បីផលិតជាជីធម្មជាតិ។

២. ការការពារជញ្រ្ជាំង

ជញ្រ្ជាំង ជាប្រភពជីធម្មជាតិដ៏សំខាន់ នៅពេលដែលវាពុករលួយ វាធ្វើឲ្យដីផុសល្អ និងផ្ដល់សារធាតុចិញ្ចឹមជាច្រើនដល់ដី ហើយធ្វើឲ្យដីសម្បូរសត្វជន្លេន។ ដូចនេះគេត្រូវរក្សាជញ្រ្ជាំងកុំឲ្យឆេះ ហើយធ្វើការភ្ជួរលុបវាឲ្យក្លាយជី។

៣. ការគ្របដី

គេគួរប្រើប្រាស់មែកឈើ ធាងដូង និងសារធាតុសរីរាង្គផ្សេងៗ យកទៅគ្របលើដីស្រែតាមលទ្ធភាពដែលអាចធ្វើបានទៅតាមបរិមាណតិចឬច្រើន។ ការគ្រប់គ្រងដីរបៀបនេះ ជួយឲ្យដីត្រជាក់ផ្ដល់នូវលក្ខខណ្ឌល្អ ដល់ការលូតលាស់របស់សត្វមានប្រយោជន៍ក្នុងដី ជាពិសេសសត្វជន្លេន។ នៅពេលភ្លៀងធ្លាក់មកសារធាតុគំរបខាងលើចាប់ផ្ដើមរលួយ វានឹងក្លាយជាជី ហើយ​ដីក៍ម្បូរជន្លេន​ដែរ។

ជាសុបមក ការអនុវត្តឲ្យបានល្អនូវគំនិតទាំង៣នេះ  វានឹងជួយឲ្យដីស្រែមានជីជាតិយូរអង្វែង ហើយផលស្រូវ និងដំណាំផលស្រូវ និងដំណាំផ្សេងៗ ក៏នឹងកើនឡើងជាប់ជានិច្ចផងដែរ៕

បណ្ឌិត យ៉ង សាំងកុមារ

សហគមន៍សម្បូរសប្បាយ

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ស្វែងយល់៖ ពិនិត្យមុននឹងបញ្ឆេះម៉ាស៊ីន របៀបបញ្ឆេះម៉ាស៊ីន និងរបៀបបញ្ឈប់ម៉ាស៊ីន (ឧបករណ៍កសិកម្ម)

មានបងប្អូនកសិករមួយចំនួនបានដឹងអំពីការពិនិត្យ របៀបបញ្ឆេះ និងរបៀបបញ្ឈប់ម៉ាស៊ីន ដែលជាឧបករណ៍កសិកម្មរួចហើយ ប៉ុន្តែក៏នៅមានកសិករខ្លះមិនទាន់បានដឹងនូវចំណុចទាំងនេះនៅឡើយទេ។ ដើម្បីជាចំណេះដឹងដល់ប្រជាកសិករ សហគមន៍សម្បូរសប្បាយ  បង្ហាញអត្ថបទនេះ ដែលដកស្រង់ចេញពីសៀវភៅ ណែនាំអំពីបច្ចេកទេសនៃការប្រើប្រាស់ និងការដំឡើងឧបករណ៍កិនគ្រាប់ធញ្ញជាតីខ្នាតតូច។