Home / កសិកម្ម / លោក សួន ឡាន អាចដាំខាត់ណាផ្កាបាន២ដងក្នុង១រដូវ ខណៈកសិករភាគច្រើនដាំបានតែម្តង

លោក សួន ឡាន អាចដាំខាត់ណាផ្កាបាន២ដងក្នុង១រដូវ ខណៈកសិករភាគច្រើនដាំបានតែម្តង

កសិករ សួន ឡាន មានវ័យ៤០ឆ្នាំ (២០១៩) រស់នៅភូមិស្វាយស ឃុំចាន់ស ស្រុកសូទ្រនិគម ខេត្តសៀមរាម បានឱ្យដឹងថា លោកអាចដាំខាត់ណាផ្កាបានរហូតដល់ទៅ២ដងក្នុងមួយរដូវ ខណៈកសិករភាគច្រើនអាចដាំបន្លែប្រភេទនេះបានតែមួយដងប៉ុណ្ណោះក្នុងមួយរដូវ។
លោក សួន ឡាន គឺជាកសិករឆ្នើមមួយរូបក្នុងការផលិតបន្លែនាំចេញទៅទីផ្សារក្នុងតំបន់។ ក្រៅតែពីខាត់ណាផ្កា លោកក៏មានដាំសណ្តែកកួរ ស្ពៃចង្កឹះ ត្រសក់ និងត្រឡាចជាដើម ដែលលោកដាំទៅតាមរដូវកាលនីមួយៗ។
លោកបានបន្តឱ្យដឹងថា ប្រភេទបន្លែខាត់ណាផ្កា គឺអាចដាំបានចាប់ពីខែ១០ (តុលា) រហូតទៅទល់ខែ៣ (មីនា) ដែលរយៈពេលដាំនេះមាន៦ខែ ហើយក្រៅពីរដូវកាលខាងលើគឺមិនអាចដាំបានឡើយ ដែលកន្លងទៅលោកធ្លាប់បានជំនះនឹងអាកាសធាតុ ដោយព្យាយាមដាំម្តងជាពីរដងបន្តទៀត ប៉ុន្តែជាលទ្ធផលគឺកូនបន្លែខាត់ណាផ្កាដែលលោកយកទៅដាំនោះបានរលួយអស់តែម្តង។


លោក សួន ឡាន បានបញ្ជាក់ថា ប្រភេទបន្លែខាត់ណាផ្កានេះ គឺវាមិនត្រូវការអាកាសធាតុក្តៅឡើយ។ លោកថា បន្ទាប់ពីលោកបានប្រមូលផលពីរដងរួចមកហើយនោះ លោកក៏បានព្យាយាមយកកូនមកដាំម្តងទៀត ក្រោយពីធ្វើដីរួចស្អាត ប៉ុន្តែវាបានចាប់រលួយពីគល់មក ហើយក៏ស្លោកកូនងាប់ទាំងអស់តែម្តង៕

អាន វិចិត្រ

សហគមន៍សម្បូរសប្បាយ

អំពី sambosabay

Avatar
សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ស្វែងយល់៖ ពិនិត្យមុននឹងបញ្ឆេះម៉ាស៊ីន របៀបបញ្ឆេះម៉ាស៊ីន និងរបៀបបញ្ឈប់ម៉ាស៊ីន (ឧបករណ៍កសិកម្ម)

មានបងប្អូនកសិករមួយចំនួនបានដឹងអំពីការពិនិត្យ របៀបបញ្ឆេះ និងរបៀបបញ្ឈប់ម៉ាស៊ីន ដែលជាឧបករណ៍កសិកម្មរួចហើយ ប៉ុន្តែក៏នៅមានកសិករខ្លះមិនទាន់បានដឹងនូវចំណុចទាំងនេះនៅឡើយទេ។ ដើម្បីជាចំណេះដឹងដល់ប្រជាកសិករ សហគមន៍សម្បូរសប្បាយ  បង្ហាញអត្ថបទនេះ ដែលដកស្រង់ចេញពីសៀវភៅ ណែនាំអំពីបច្ចេកទេសនៃការប្រើប្រាស់ និងការដំឡើងឧបករណ៍កិនគ្រាប់ធញ្ញជាតីខ្នាតតូច។