Home / ព័ត៌មាន / ផ្សារដងទង់ ខេត្តកោះកុង នាំបន្លែពីថៃ និងវៀតណាម

ផ្សារដងទង់ ខេត្តកោះកុង នាំបន្លែពីថៃ និងវៀតណាម

បើទោះជាខេត្តកោះកុង ដែលជាខេត្តដីមានសក្តានុពល និងមានជីជាតិ ដែលអាចដាំបន្លែបានល្អក៏ដោយ ក៏ប៉ុន្តែខេត្តមួយនេះពឹងផ្អែកខ្ពស់បំផុតទៅលើបន្លែ ដែលនាំចូលពីប្រទេសក្រៅ ដូចជាផ្សារដងទង់ ស្ថិតក្នុងក្រុងខេមរៈភូមិន្ទ ខេត្តកោះកុង មានតូបលក់បន្លែទាំងតូចធំ ប្រមាណជា៥០តូប មានលក់បន្លែចម្រុះគ្រប់ប្រភេទ ដែលបន្លែទាំងនោះភាគច្រើនបំផុតគឺមានប្រភពនាំចូលពីប្រទេសថៃ និងវៀតណាម។

បើតាមការឱ្យដឹងពីអាជីវករលក់បន្លែមិនបញ្ចេញឈ្មោះនៅក្នុងផ្សារថ្លែងប្រាប់ក្រុមការងារសម្បូរសម្បាយដឹងថា ភាគច្រើននៃបន្លែដែលពួកគាត់លក់នោះមិនមែនជារបស់ខ្មែរទេ គឺនាំចូលពីប្រទេសវៀតណាមសុទ្ធ គ្មានបន្លែខ្មែរទេ ដែលបន្លែទាំងនោះគាត់ទទួលកុម្ម៉ងពីផ្សារដើមគរ ដែលជាផ្សារចែកចាយបន្លែធំជាងគេបំផុតនៅរាជធានីភ្នំពេញ។ ប៉ុន្តែពេលខ្លះក៏គាត់យកបន្លែមកពីថៃដែរ។ នៅពេលដែលក្រុមការងារយើងសួរទៅគាត់ថាហេតុអ្វី? អាជីវកររូបនេះក៏បានឆ្លើយថា ក៏ព្រោះតែតម្លៃនៅពេលបន្លែមកពីប្រទេសវៀតណាធូរគាត់ក៏យកបន្លៃវៀតណាមមកលក់ តែនៅពេលបន្លែមកពីប្រទេសថៃធូរថ្លៃជាងគឺគាត់យកបន្លែមកពីថៃលក់វិញម្តង។

ចំណែកអាជីវករមួយរូបផ្សេងទៀតក៏បានថ្លែងក្នុងលក្ខខណ្ឌមិនបញ្ចេញឈ្មោះដែរនោះបានឱ្យដឹងថា គាត់លក់បន្លែនាំពីប្រទេសថៃខ្លះ និងប្រទេសវៀតណាមខ្លះ ដែលអតិថិជនភាគច្រើនចូលចិត្តបន្លែមកពីប្រទេសថៃ ជាជាងមកពីប្រទេស​វៀត​ណាម ដោយសារតែពួកគាត់យល់ថា បន្លែដែលមានប្រភពមកពីប្រទេសថៃមានគុណភាពល្អជាងបន្លែមកពីប្រទេសវៀតណាម ទោះបីជាមានតម្លៃខុសគ្នាបន្តិចបន្ទួចក៏ដោយក្តី។

យោងតាមការបញ្ជាក់ពីក្រុមអាជីវករលក់បន្លែបានឱ្យដឹងថា នៅក្នុងផ្សារដងទង់ ក្នុងទីរួមខេត្តកោះកុងនេះ គឺបន្លែខ្មែរដែលអាចរកបានបន្តិចបន្ទួចនោះគឺមានដូចជា ត្រយូងចេក សណ្តែកកួរ និងត្រួយម្រះ ប៉ុណ្ណោះ៕

អាន វិចិត្រ

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

បទពិសោធន៍ចិញ្ចឹមត្រីក្នុងរណ្តៅក្រាលប្លាស្ទិក (កសិករ ក្រួច អេង)

បងស្រី ក្រួច អេង ជាកសិកររស់នៅភូមិទន្លេសរ ឃុំនគរភាស ស្រុកអង្គរជុំ ខេត្តសៀមរាប។ ក្រោយពីមានការផ្សព្វផ្សាយពី គម្រោងអភិវឌ្ឍន៍សេដ្ឋកិច្ចតំបន់ក្រវ៉ាត់បៃតង គាត់បានចូលរួមវគ្គបណ្តុះបណ្តាលកសិកម្ម ហើយមានការចាប់អារម្មណ៍ទៅលើបច្ចេកទេសចិញ្ចឹមត្រីក្នុងរណ្តៅក្រាលថង់ប្លាស្ទិក។