Home / ឱសថបុរាណ / រុក្ខជាតិឱសថ / ស្លឹកនិងធាងល្ហុង ជាថ្នាំដ៏អស្ចារ្យព្យាបាលជំងឺមហារីក

ស្លឹកនិងធាងល្ហុង ជាថ្នាំដ៏អស្ចារ្យព្យាបាលជំងឺមហារីក

មុននឹងរៀបរាប់អំពី ស្លឹកនិងធាងល្ហុង ជាថ្នាំដ៏អស្ចារ្យសំរាប់ព្យាបាលជំងឺមហារីក សហគមន៍សម្បូរសប្បាយ សូមសង្ខេបនូវសាច់រឿងឈឺចាប់របស់សាស្ត្រាចារ្យ Nguyen Xuan Hien អតីត​ប្រធាន​ផ្នែកជំងឺ​  សើរ​​ស្បែក នៃ​មន្ទីរពេទ្យ​កងទ័ព ១០៨ (​មន្ទីរពេទ្យ​ជំនាញ​ព្យាបាល​មេដឹកនាំ​ជាន់ខ្ពស់​នៅ​វៀតណាម​) បច្ចុប្បន្នលោក​ស្ថិតក្នុង​ភាព​​ចាស់ជរា ដែលបានចំណាយពេលចុងក្រោយនៃជីវិតរបស់លោក ដើម្បីពិសោធន៍ជាក់ស្តែងមានដូចខាងក្រោមនេះ។

១-ប្រវត្តិឈឺចាប់ និងការតាំងចិត្តអនុវត្ត ផ្សព្វផ្សាយពីគុណភាពស្លឹកនិងធាងល្ហុង

នៅ​ឆ្នាំ២០០៥ លោកអស់សង្ឃឹម​ក្នុង​ការស្វែងរក​វិធី​ព្យាបាល​ជំងឺមហារីក​សួត​ដល់​កូនស្រី​ខ្លួន។ នា​ថ្ងៃមួយ​លោក​បាន​ជួប​នឹង​អ្នកស្រី Le Thi Dang រស់នៅ​ទីក្រុង​ហូ​ជី​មី​ញ (ព្រៃនគរ) ប្រាប់​លោក​ថា អ្នកស្រី​បាន​យក​ទឹក​រម្ងាស់​ពី​ស្លឹក​ល្ហុង​មក​ព្យាបាល​ឲ្យ​ប្តី​របស់​គាត់​ដែល​កើត​ជំងឺ​មហារីក​អណ្តាត និង​បាន​រាលដាល​រហូត​ធ្លាយ​ថ្ពាល់​ម្ខាង​។ ប៉ុន្មាន​ខែ​ក្រោយ​ពេល​ទទួលទាន​ស្លឹក​ល្ហុង​រម្ងាស់​នោះ​ជា​ប្រចាំ ជំងឺ​របស់​ប្តី​អ្នកស្រី​បាន​ថមថយ​ចុះ ហើយ​រស់​បន្ថែម​បាន​៩​ឆ្នាំ​ទៀត ក្រោយមក​គាត់​បាន​ស្លាប់​ក្នុង​វ័យ​៨៧​ឆ្នាំ ដោយ​ចាស់ជរា ​គឺមិនមែនស្លាប់ដោយសារជំងឺមហារីកអណ្តាតនោះទេ។​

ក្នុងនាមជា​សាស្ត្រាចារ្យ​ម្នាក់ ក្រោយពេល​ស្តាប់ឮ​ដូច្នេះ លោក​ក៏​ខំស្វែង​យល់​ពីឯកសារ​ជាច្រើន​លើ​ពិភពលោក​និយាយ​អំពី​ប្រសិទ្ធភាព​នៃ​ស្លឹក​ល្ហុងក្នុង​ការព្យាបាល​ជំងឺមហារីក​។ ក្រោយមក​ទើប​លោក​បាន​យក​វា​មក​អនុវត្តឲ្យ​កូនស្រី​របស់ខ្លួន ប៉ុន្តែ​ពេលនោះ​ជំងឺ​របស់​នាង​បាន​រាលដាល​ដល់​ខួរក្បាល និងបូកផ្សំនឹង​លោក​នៅ​មាន​ភាពស្ទាក់ស្ទើរក្នុង​ចិត្ត​ខ្លះ​ផង អាច​ជា​ហេតុ​នាំ​ឲ្យ​លទ្ធផល​ពុំ​ទទួលបាន​ដូច​បំណង​ គឺកូនស្រីរបស់គាត់បានលាចាកលោកដោយគ្មានថ្ងៃវិលវិញ។​

ជំងឺមហារីកសួត បានលាបត្របាក់យកជីវិតកូនស្រីជាទីស្រឡាញ់ ធ្វើឲ្យសាស្ត្រាចារ្យរូបនេះ ឈឺចាប់​យ៉ាងខ្លាំង លោក​នឹក​ស្មានថា ខ្លួន​លែង​រឹងប៉ឹង​ទៀតហើយ​។ ប៉ុន្តែ​ក្នុងនាមជា​អ្នកស្រាវជ្រាវ​ម្នាក់​ព្រមទាំង​ឃើញ​ការឈឺចាប់​របស់​សាច់ឈាម​ខ្លួន​ផ្ទាល់​ផង​នោះ​ បាន​ជំរុញ​ឲ្យ​លោក​ប្តេជ្ញា​ចិត្ត​យក​ពេលវេលា​ចុងក្រោយ​នៃ​ជីវិត​របស់​ខ្លួន​មក​ស្រាវជ្រាវ អំពី​ប្រសិទ្ធភាព​នៃ​ស្លឹក​ល្ហុង​ក្នុង​ការព្យាបាល​រោគ​មហារីក ហើយ​ពិនិត្យឃើញថា វា​ពិតជា​ទទួលបាន​លទ្ធផល​គួរ​ឲ្យ​មោទនៈ​។​

សាស្ត្រាចារ្យ Nguyen Xuan Hien ​បានបញ្ជាក់ថា «រយៈពេលជាង ១០ឆ្នាំ ខ្ញុំ​ពុំ​មែន​ជា​អ្នក​រក​ឃើញ​នូវប្រសិទ្ធភាព​របស់​ស្លឹក​ល្ហុង​នេះទេ ប៉ុន្តែ​ខ្ញុំ​គ្រាន់តែ​ជា​អ្នក​យក​វា​មក​អនុវត្ត​ជា​ផ្លូវការ និងផ្សព្វផ្សាយ​ជួយ​ដល់​អ្នក​កើត​ជំងឺមហារីក​ ធ្វើការ​ព្យាបាល និង​កត់ត្រា​ទុក​ពី​លទ្ធផល​ដ៏​អស្ចារ្យ​របស់​វាតែប៉ុណ្ណោះ»​។​

អ្នកស្រី Nguyen Thi Tuat ដែល​ជា​ភរិយា​សាស្ត្រាចារ្យ​រូបនេះ បាន​និយាយ​ទាំង​អួលដើមក​ថា     «​ប៉ុន្មាន​​ឆ្នាំ​នេះ សុខភាព​គាត់​ចុះខ្សោយ ត្រូវ​ដេក​១​កន្លែង ហើយ​ទោះបី​កូនចៅ​សំណូមពរ​ឲ្យ​គាត់​ឈប់​សម្រាក​តែ​លោក​ពុំ​ព្រម​ទេ។ រាល់ពេល​ដែល​មាន​ទូរស័ព្ទ​សុំ​ប្រឹក្សា​យោបល់​ពី​លោក លោក​ពឹង​គេ​ឲ្យ​កត់ត្រា​ជំនួស​»។​

២-មនុស្ស​ជាង ១.០០០​នាក់ ​កើត​ជំងឺមហារីក​ ទទួលបាន​ការប្រឹក្សាណែនាំ

​រយៈពេល​២​ឆ្នាំ (២០០៥-០០៧) លោកសាស្ត្រាចារ្យ​បាន​ណែនាំ​ឲ្យ​អ្នកជំងឺ ១៥​នាក់ ក្នុងនោះ​មាន​៤​ករណី ដែល​៣​នាក់ មាន​ដុំ​ពក​មហារីក​សួត និង​ម្នាក់​មហារីក​ដៃ​ស្បូន ពេល​ផឹកទឹក​ល្ហុង​រម្ងាស់​បាន​ប្រមាណ ៥-៦​ខែ សុខភាព​ពួកគេ​ទាំង​៤​ស្ថេរភាព ឡើង​ទម្ងន់ ដុំ​ពក​រួមតូច​មក​វិញ​បាត់​កូនកណ្តុ​រលើ​ ក មិនសូវ​ក្អក មិនសូវ​ឈឺ​។ ករណី​ដុំ​ពក​មហារីក ៣​ផ្សេងទៀត ពេល​ផឹក​ឱសថ​នេះ​បាន ២​ទៅ​៣​ខែ ដុំ​ពក​រួម​តូច​សុខភាព​ល្អ​ជាង​មុន​។ មាន​១​ករណី​មហារីក​សួត​ដែរ ពេល​ផឹក​ឱសថ​នេះ​បាន​២​ខែ ជំងឺ​បន្ត​វិវឌ្ឍន៍ គាត់​ឈឺ​ខ្លាំង ហើយ​ក្អក​ខ្លាំង​។ មាន​៣​ករណី​ស្លាប់ ក្នុង​នោះ​ម្នាក់​មហារីក​សួត ម្នាក់​ទៀត​មហារីកក្រពះ និង​ម្នាក់​មហា​រីកថ្លើម ដោយ​គាត់​ផឹក​ឱសថ​នេះបានតែ​២​ខែ ហើយ​ប្តូរ​ទៅ​ផឹក​ឱសថ​បុរាណ​ផ្សេងៗទៀត​។ ករណី​មួយ​ចុងក្រោយ​គឺ​មហារីក​ពោះវៀន ដែល​បាន​រាលដាល​។ ផឹក​បានតែ​២​ខែ លទ្ធផល​ពុំ​ឃើញ​មានប្រសិទ្ធភាព​ប៉ុន្មាន​ឡើយ​។​

​រហូតទល់​ឆ្នាំ២០១២ ចំនួន​អ្នក​មក​ប្រឹក្សា​យោបល់​ជាមួយ​សាស្ត្រាចារ្យ​រូប​នេះ​កាន់តែ​កើនឡើង​។ មាន​ទាំងអ្នកជំងឺ​ទាំង​ក្នុង និងទាំង​ក្រៅប្រទេស​ជាង ១.០០០​នាក់ បាន​មក​ពឹង​ពាក់​លោក​។ មនុស្ស​ជាច្រើន​ក្នុងចំណោម​នោះ​បាន​ប្រើ​វិធី​ព្យាបាល​ឱសថ​សាមញ្ញ​មួយ​នេះ ទទួលបាន​លទ្ធផល​ដ៏​ល្អដោយ​ពុំ​ឃើញ​មាន​កោសិកា​មហា​រីក​ទៀត​ឡើយ​។

៣-ប្រសិទ្ធភាពនៃស្លឹក​និងធាង​ល្ហុង ព្យាបាល​ជំងឺ​មហារីក

​សាស្ត្រាចារ្យ Nguyen Xuan Hien បានឲ្យដឹងថា មាននិក្ខេបបទ​ស្រាវជ្រាវ​របស់​សាស្ត្រាចារ្យ​វេជ្ជបណ្ឌិត Nam.H.Dang នៃ​សកល​វិទ្យាល័យ​ផ្លរីដា អាមេរិក បាន​ប្រកាស​ឲ្យដឹង​ថា ទឹក​រម្ងាស់​ស្លឹក​ល្ហុង​រួមមាន​ក្រុម B. cvaroten និង Iso thyocyanotes មាន​សមត្ថភាព​រំញោច​រាងកាយ​ឲ្យ​ផលិត cytokines Th1 ដែល​ជា​កត្តា​ការពារ​សរីរាង្គ​ប្រឆាំងនឹង​មេរោគ​។ ហេតុនេះ វា​អាច​សម្លាប់​កោសិកា​មហារីក ខ្លាំង​ជាង​រាប់​លាន​ដង​ប្រៀប​នឹង​ឱសថ​ប្រឆាំង​មហារីក​ដទៃទៀត និងនៅ​មាន​ការសិក្សា​ស្រាវជ្រាវ​ដទៃ​ទៀត​អំពី​ឱសថ​ដ៏​សាមញ្ញ​មួយ​នេះ​ហើយនៅតាម​បណ្តា​ប្រទេសមួយចំនួនមាន ​អាមេរិក អូស្ត្រាលី និង​ជប៉ុន មាន​វេជ្ជបណ្ឌិត​ជាច្រើន ​បាន​ប្រើ​ទឹក​រម្ងាស់​ពី​ស្លឹក​ល្ហុង​នេះ​ព្យាបាល​​ប្រភេទ​ជំងឺមហារីក នឹង​ទទួលបាន​លទ្ធផល​ល្អ​។

៤-វិធី​អនុវត្ត

  • ក្នុង​១​ថ្ងៃ យក​ស្លឹក​ល្ហុង​ពី​៤-៥ រួម​ទាំង​ធាង (​ស្លឹក​កាន់តែ​ចាស់​កាន់ តែ​ល្អ​)​។ រួច​យក​កាំបិត​ហាន់​វាឲ្យ​តូចៗ​ និងស្តើងៗចំពោះធាងដាក់​ក្នុង​ឆ្នាំង​ចាក់ទឹក​បញ្ចូល ២​លីត្រ
  • រួច​រម្ងាស់​ប្រើពេល​ប្រមាណ​២​ម៉ោង ឲ្យនៅ​សល់​ត្រឹម​១​លីត្រ (ប្រើ​ភ្លើង​តិចៗ) រួច​ទុក​វាឲ្យ​ត្រជាក់ ច្រកចូលដប ហើយ​ទុក​ក្នុង​ទូរ​ទឹកកក​សម្រាប់​ផឹក ​រយៈពេល ២​ថ្ងៃ
  • ​ក្នុង​១​ថ្ងៃ​ផឹក ៥០០​មី​លី​លីត្រ ចែកចេញ​ជា​៣​លើក ក្រោយ​ពេលបាយ (ព្រឹក ថ្ងៃត្រង់ ល្ងាច) ប៉ុន្តែ​ត្រូវ ​កម្តៅ​វាឲ្យ​ក្តៅ​ទើប​ផឹក​
  • ក្រោយ​ពេល​ផឹក​គប្បី​ផឹក​ទឹកឃ្មុំបន្ថែម​ពី១-២​ស្លាបព្រា​កាហ្វេ​។ ត្រូវ​ព្យាយាម​ផឹក​រយៈ​៣​ខែ​ឡើង នោះ​ទើប​ឃើញ​ប្រសិទ្ធភាព​។

កត់សម្គាល់. ចំពោះ​អ្នកដែ​ល​ពុំធ្លាប់​ឆ្លងកាត់​ការវះកាត់​ដុំ​ពក​មហារីក​ ឬពុំ​ទាន់​ព្យាបាល​ដោយ​កាំរស្មី ឬ​ការចាក់​បញ្ចូល​សារធាតុ​គីមី លទ្ធផល​ទទួល​បាន​ល្អ​ប្រសើរ​ជាង និង​ឆាប់​មាន​ប្រសិទ្ធភាព​ជាង ប្រៀប​នឹង​អ្នក​ដែល​បាន​ឆ្លងកាត់​ការព្យាបាល​តាម​វិទ្យាសាស្ត្រ​ទំនើប​។

៥-បំណងចុងក្រោយរបស់សាស្ត្រាចារ្យ Nguyen Xuan Hien

ដោយគុណសម្បត្តិនៃ ទឹក​រម្ងាស់​ពី​ស្លឹក​និងធាងល្ហុង​  ​ពិបាក​រៀបរាប់​អស់ ក្នុង​ភាព​រំភើប​លាយឡំ​នឹង​ការសោកស្តាយ លោក​ពោល​ថា បច្ចុប្បន្ន​ ខ្ញុំ​ចាស់​ណាស់​ទៅហើយ ជំងឺ​ក៏​បៀតបៀន​ពុំ​ដឹង​រស់​បាន​ប៉ុន្មាន​ទៀត​។ បំណងប្រាថ្នា​ចុងក្រោយ​របស់​ខ្ញុំ ​គឺ​ចង់ឲ្យ​ក្រសួង​សុខាភិបាល ​មន្ទី​រមហា​រីក មន្ទីរពេទ្យ K ។​ល​។ ព្រមទាំង​ស្ថាប័ន​ជំនាញ​ពាក់ព័ន្ធ​ផ្សេងទៀត ជួយ​បន្ត​នូវបុព្វហេតុ​នេះ ហើយ​ខ្ញុំ​នឹង​បញ្ជូន​ឯកសារ​ទាំងអស់ រួម​នឹង​កំណត់ត្រា​ផ្សេងៗ​ផង ដើម្បី​បន្ត​ស្រាវ​ជ្រាវ​ជួយ​ដល់​មនុស្ស​អភ័ព្វ​ទាំងឡាយ​ដែល​កើត​ជំងឺ​មហារីក ឲ្យមានឱកាស​អូសបន្លាយ​ជីវិត​របស់​ពួកគេ រស់​នៅលើភពផែនដីនេះ៕

សហគមន៍សម្បូរសប្បាយ

Loading...

អំពី sambosabay

សហគមន៍សម្បូរសប្បាយ (ស៣) គឺជាសហគមន៍ដែលមានប្រជាពលរដ្ឋនៅមូលដ្ឋានចេះសហការរួបរួមជួយគ្នាទៅវិញទៅមកឲ្យចេះដាំដុះ និងចេះផលិតដើម្បីទប់ស្កាត់ផលិតផលនាំចូលពីខាងក្រៅរួចឈានទៅរកការនាំចេញទៅក្រៅប្រទេសវិញធ្វើឲ្យសកម្មភាពសេដ្ឋកិច្ច សង្គមកិច្ច កសិ​-កម្ម សិប្បកម្ម ពាណិជ្ជកម្ម វប្បធម៌និងបរិស្ថាននៅមូលដ្ឋានរស់រវើក និង មានការអភិវឌ្ឍនៅមូលដ្ឋានប្រកបដោយភាពរុងរឿង។ ​

អត្ថបទពាក់ព័ន្ធ

ល្ហុងខ្វងក្រហម ជារុក្ខជាតិឱសថ, កបនឹងជំងឺ បញ្ជុះលាមក ធ្វើឲ្យក្អួត ពស់ចឹក និងក្អក