បទពិសោធន៍ធ្វើដំណាប់ម្តេញ

១-សំភារៈ

• ដប ឬជ្រុញសម្រាប់លុញពីលើឱ្យម្តេញបែកចេញទឹក
• ចង្អេរសម្រាប់ដាក់ម្តេញលុញ
• កញ្ជ្រែង និងស្លឹកចេកសម្រាប់ដាក់ម្តេញហាល
• ចានដែកសម្រាប់ដាក់ម្តេញត្រាំទឹកកំបោរ។

២–ធាតុផ្សំ

• ស្ករត្នោត ១០គីឡូក្រាម
• អំបិលម៉ដ្ឋកន្លះស្លាបព្រាដើម្បីជួយជំរុញឱ្យកាន់តែផ្អែមមុត
• តែផ្អែមមុត
• កំបោរ ១ ស្លាបព្រាបាយ។

៣–របៀបផ្សំ

• លាងម្តេញឱ្យបានស្អាត រួចយកទៅលុញនៅលើច​ង្អេរឱ្យចេញ​ទឹក​អស់
• យកកំបោរទៅកូរជាមួយទឹក (បរិមាណធ្វើយ៉ាងណាឱ្យ​លិច​ម្តេញ) ទុកឱ្យរងថ្លា ហើយដួស​យកក្រាមដែល អណ្តែតនៅ​ខាង​លើ ឬសំរិតក៏យកទឹក ដែលថ្លា​ទៅត្រាំជាមួយម្តេញរយៈពេល២-៣ម៉ោង

• យកម្តេញទៅលាងទឹកឱ្យស្អាត ៣-៤ដង ឱ្យអស់ជាតិកំបោរ និងពួតទឹកចេញឱ្យអស់
• ដាក់សំដិលថ្ងៃ ៣០នាទី ទៅ ១ម៉ោង។

យកស្ករត្នោតដាក់កូរវាឱ្យឡើងក្រហមស្អិតជើងអង្រ្កង រួចយកម្តេញទៅដាក់ចូលទៅក្នុងឆ្នាំងខ្ទះកូរឱ្យ​សព្វជាមួយ​ស្ករ​ចំនួន ១០នាទី រួចដាក់ចុះពីលើចង្រ្កានហើយទុកមួយយប់ ឬកន្លះថ្ងៃ ទើបស្រង់ដាក់កញ្រ្ជែងដែលបានដាក់ស្លឹក ចេកទ្រាប់ពីក្រោមដោយរាយម្តេញឱ្យស្តើង រួចយកទៅហាលថ្ងៃរយៈពេល ៣-៤ម៉ោង។ បន្ទាប់ពីហាលថ្ងៃរួច យក​ម្តេញទៅត្រាំទឹកស្ករម្តងទៀត (ទឹកស្ករដែលនៅសល់ពីការត្រាំខាងលើ) មុននឹងដាក់ត្រាំត្រូវកំដៅទឹកស្ករឱ្យរីងបន្តិច​សិន។ ហើយបន្តធ្វើរបៀបនេះឱ្យបាន ៣-៤ដង (កូរត្រាំហាលរហូតដល់អស់ទឹកស្ករ) ទើបយើងហាល ១-២ ដងទៀត ដើម្បីឱ្យទឹកស្ករជប់ទឹកសាច់ម្តេញបានល្អ។

កំណត់ចំណាំ

• ការកូរធ្វើដំណាប់ម្តេញនេះហាមដុតភ្លើងខ្លាំង ព្រោះអាចធ្វើឱ្យម្តេញទៅជាផុយសាច់ ឬអាចធ្វើឱ្យស្ករឆ្នោតទៅ ជាខ្លោចបាន
• ធ្វើនៅពេលមានកំដៅថ្ងៃក្តៅ (ព្រោះដំណាប់នេះត្រូវការហាលសំដិលឱ្យបានស្ងួតទើបល្អ និងទុកបានយូរ)
• ការកូរមិនមែនកូរម្តងហើយទេ យើងអាចធ្វើចាប់ពី ៣-៤ដង (តាមម្តេញតិច ឬច្រើន) រហូតដល់ម្តេញលែង ចេញទឹក៕

ដកស្រង់ចេញពីសៀវភៅស្តីពី ការកែច្នៃចំណីអាហារ របស់អង្គការសេដាក

សហគមន៍សម្បូរសប្បាយ