Home / ព័ត៌មាន / កម្ពុជាចេញគោលការណ៍៤ចំណុច ដើម្បីកាត់បន្ថយការនាំចូលបន្លែបរទេស

កម្ពុជាចេញគោលការណ៍៤ចំណុច ដើម្បីកាត់បន្ថយការនាំចូលបន្លែបរទេស

ដើម្បីកាត់បន្ថយការនាំចូលបន្លែ និងធានាប្រាក់ចំណូលដល់កសិករខ្នាតតូច និងមធ្យម រដ្ឋាភិបាលកម្ពុជាបានដាក់ចេញនូវគោលការណ៍សំខាន់ៗចំនួន៤ដូចខាងក្រោម៖

១-ធ្វើការបង្វែរទិសដៅផលិតពីការផលិតសម្រាប់ផ្គត់ផ្គង់គ្រួសារ ទៅជាការផលិតដើម្បីធ្វើកសិពាណិជ្ជកម្ម និងកែប្រែសួនដំណាំបន្លែទៅជាចម្ការបន្លែ។

២-បញ្ចូលបច្ចេកទេសផលិត ការជ្រើសរើសពូជ ការប្រើប្រាស់ប្រព័ន្ធដំណក់ទឹក ការប្រើប្រាស់ផ្ទះសំណាញ់ ដើម្បីកាត់បន្ថយហានិភ័យបង្កើនផលិតភាពផលិតកម្មលើផ្ទៃដីដដែល។

៣-កែលម្អខ្សែចង្វាក់ផលិតកម្ម ផលិតតាមផែនការ ឬតាមកម្មវិធីច្បាស់លាស់ ផលិតតាមការបញ្ជាទិញតាម​តម្រូវ​ការទីផ្សារ និងចាំបាច់ ហើយត្រូវអនុវត្តតាមគោលការណ៍អនុវត្តកសិកម្មល្អ (GAP) និងត្រូវធ្វើកសិកម្មតាម​កិច្ច​សន្យា។

៤-ត្រូវគិតគូរពីការកែច្នៃ វេចខ្ចប់ ដើម្បីបង្កើនតម្លៃបន្ថែម ថែរក្សាទុកដាក់ និងមធ្យោបាយដឹកជញ្ជូន​ផលិតផល​ទៅ​កាន់ទីផ្សារ ដើម្បីផ្តល់សេវាឱ្យមានប្រសិទ្ធភាព និងទាន់ពេលវេលា។

គោលការណ៍ទាំង៤ចំណុចខាងលើនេះ ត្រូវបានលើកឡើងដោយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី១២ ខែកក្កដា ឆ្នាំ២០១៨ នៅពិព័រណ៍ផ្សារណាត់បន្លែ និងផលិតផលសុវត្ថិភាព ក្នុងខេត្តព្រៃវែង៕

បន្លែដាក់លក់នៅផ្សារ១កន្លែងនៅរាជធានីភ្នំពេញ

ប្រភព Vayo Fm

សហគមន៍សម្បូរសប្បាយ

Loading...

អំពី

អត្ថបទពាក់ព័ន្ធ

បទពិសោធន៍ស្ទូងស្រូវ​ ប.វ.ស. ដោយគ្របចំបើង

បងស្រី វ៉ាត សុភី ជាកសិកររស់នៅភូមិដំរីឆ្លង ឃុំខ្នារពោធិ៍ ស្រុកសូត្រនិគម ខេត្តសៀមរាប។ គាត់បានសហការជាមួយអង្គការហ្រ្គេត នៅដើមឆ្នាំ២០១០ ទៅលើបច្ចេកទេស ប.វ.ស. នៅលើផ្ទៃដី ៨១អារ​ដោយប្រើពូជស្រូវផ្ការំដួលចំនួន១២គីឡូក្រាម។