Home / កសិកម្ម / បទពិសោធន៍ការពារសត្វល្អិតបំផ្លាញដំណាំស្ពៃដោយប្រើថ្នាំពុលផ្សំពីរុក្ខជាតិ

បទពិសោធន៍ការពារសត្វល្អិតបំផ្លាញដំណាំស្ពៃដោយប្រើថ្នាំពុលផ្សំពីរុក្ខជាតិ

កសិករ​​​  វុធ  វណ្ណី  រស់នៅភូមិព្រែក ឃុំព្រែកគយ ស្រុកស្អាង ខេត្តកណ្តាល​ គាត់មានបទពិសោធន៍​កំចាត់​សត្វល្អិតបំផ្លាញដំណាំយ៉ាងមានប្រសិទ្ធភាព ដោយប្រើថ្នាំពុលផ្សំពីរុក្ខជាតិ។ ​ធាតុផ្សំ និងរបៀបប្រើរបស់គាត់​បង្ហាញជូនដូចខាងក្រោម។

ក. ធាតុផ្សំ

  • ម្ទេសទុំ ​០,៥ គីឡូក្រាម
  • រំដេង​ ​២ ​គីឡូក្រាម
  • ស្លឹកគ្រៃ​ ១បាច់
  • ផ្លែ​និងត្រួយល្ហុងខ្វង​​​ ២គីឡូក្រាម
  • ផ្លែស្លាក់ ​៣គីឡូក្រាម
  • វល្លិ៍មាស ​២ ​គីឡូក្រាម
  • និងម្សៅសាប៊ូ​។

ខ.​​ របៀបផ្សំ

យកធាតុផ្សំទាំងអស់ បុកលាយបញ្ចូលគ្នាឱ្យម៉ដ្ឋ ​ហើយច្រោះយកទឹក ​រួចលាយជាមួយទឹកនោមប្រហែល​១០លីត្រ។

គ. របៀបប្រើ

ក្រោយពីត្រាំជាមួយទឹកនោម (អាចប្រើភ្លាមៗក៏បាន) គាត់ដងយកទឹកថ្នាំ ១ ទៅ ២លីត្រ ​លាយជាមួយទឹក១៧លីត្រ ហើយកូរជាមួយ​ម្សៅ​សាប៊ូ ១ស្លាបព្រាបាយ រួចបាញ់លើដំណាំតែម្តង។

ឃ. ចំណាប់អារម្មណ៍របស់កសិករ

ក្រោយពីប្រើថ្នាំពុលផ្សំពីរុក្ខជាតិនេះហើយ ​គាត់មានចំណាប់អារម្មណ៍ថា​ ថ្នាំនេះមានលក្ខណៈបណ្តេញ​ខ្លាំងជាងសំលាប់ មានប្រសិទ្ធភាព ពិសេសសត្វបំផ្លាញស្ពៃចង្កឹះដូចជា សត្វត្រចៀកគូ ដង្កូវយោលទោង។​ល។

ថ្នាំពុលផ្សំពីរុក្ខជាតិអាចជំនួសថ្នាំពុលគីមីបានស្ទើរតែទាំងស្រុង មិនប៉ះពាល់សុខភាព ហើយអាចកាត់​បន្ថយការចំណាយបានយ៉ាងច្រើនទៀតផង ជាពិសេសទៅទៀត ដំណាំដុះលូតលាស់ល្អ ហើយមានទំងន់ធ្ងន់៕

ដកស្រង់ចេញពីសៀវភៅស្តីពី ថ្នាំពុលការពារដំណាំផ្សំពីរុក្ខជាតិ របស់អង្គការសេដាក

សហគមន៍សម្បូរសប្បាយ

Loading...

អំពី

អត្ថបទពាក់ព័ន្ធ

លោកអ្នកដែលចូលចិត្តបរិភោគទុរេន អាចមានឱកាសទិញទុរេនខ្មែរបានក្នុងតម្លៃ១២០០០/១គីឡូ

ដោយមើលឃើញពីនិន្នាការប្រជាពលរដ្ឋខ្មែរភាគច្រើនចូលចិត្តបរិភោគទុរេន ប៉ុន្តែទុរេនធម្មជាតិនៅលើទីផ្សារមានតម្លៃខ្ពស់ ដែលធ្វើឱ្យប្រជាពលរដ្ឋខ្មែរអ្នកចូលចិត្តបរិភោគទុរេន ពុំមានលទ្ធភាពក្នុងការទិញយកមកបរិភោគបាន។