Home / កសិកម្ម / វិធីកាត់បន្ថយការបំផ្លាញពីដង្កូវយោលទោងលើដំណាំបន្លែ

វិធីកាត់បន្ថយការបំផ្លាញពីដង្កូវយោលទោងលើដំណាំបន្លែ

​​ដង្កូវយោលទោងជាសត្វចង្រៃមួយប្រភេទ ដែលកសិករដាំបន្លែភាគច្រើនយល់ថា មានការលំបាកក្នុងការកំចាត់។ ទោះបីជាគេប្រើថ្នាំពុលគីមីច្រើនមុខលាយបញ្ចូលគ្នាក៏ដោយ ក៏មិនសូវឃើញមានប្រសិទ្ធភាពដែរ​ហើយថែមទាំងជួបប្រទះនូវបញ្ហាយ៉ាងធ្ងន់ធ្ងរដល់សុខភាពទៀតផង។

          មានបទពិសោធន៍ យ៉ាងសាមញ្ញមួយរបស់កសិករខ្មែរ ហែម សារឿន  រស់នៅភូមិព្រែកហូរ ឃុំព្រែកហូរ ស្រុកតាខ្មៅ ខេត្តកណ្តាល។​ក្នុងការកាត់បន្ថយការបំផ្លាញរបស់ដង្កូវយោល​ទោងនេះ​ ដោយគ្រាន់តែប្រើត្រួយរាំងប៉ុណ្ណោះ។ បទពិសោធន៍​របស់គាត់មានដូចខាងក្រោម។

លោកពូ​ យកត្រួយរាំង (យកផ្លែកាន់តែល្អ) ​ប្រមាណជា ២ប៉ោត​ យកទៅចិញ្ច្រាំឱ្យខ្ទេច ហើយដាក់ត្រាំក្នុងទឹកធម្មតា ៨ប៉ោត (ប្រហែល ១៦០លីត្រ)។ ការត្រាំត្រូវមានរយៈពេល ២០ទៅ៣០ថ្ងៃ ទើបអាចយកទៅប្រើប្រាស់បាន។

នៅពេលយកទៅបាញ់លើដំណាំបន្លែ គឺគាត់លាយទឹកពាក់កណ្តាលថែមទៀត ដើម្បីកុំឱ្យថ្នាំដែលត្រូវប្រើ នោះវាមានប្រសិទ្ធភាពខ្លាំងជាងការត្រាំជាមួយទឹកធម្មតា។

តាមបទពិសោធន៍របស់គាត់ ការប្រើទឹកត្រួយរាំងមានប្រសិទ្ធភាព ពីព្រោះត្រួយរាំងមានជាតិចត់ និងស្អិតដែលធ្វើឱ្យដង្កូវយោលទោងមិនអាចស៊ីដំណាំបាន។ ម្យ៉ាងវិញទៀត​ ទឹកត្រួយរាំងនេះដូចជាជីកំប៉ុស្តទឹកអាចផ្តល់ជីជាតិដល់ដំណាំលូតលាស់បានល្អទៀតផង៕

ដកស្រង់ចេញពីសៀវភៅស្តីពី ថ្នាំពុលការពារដំណាំផ្សំពីរុក្ខជាតិ របស់អង្គការសេដាក

សហគមន៍សម្បូរសប្បាយ

អំពី khmercms

Avatar

អត្ថបទពាក់ព័ន្ធ

ការធ្វើជីទឹកពីផ្លែឈើ

នៅពេលនេះ សហគមន៍សម្បូរសប្បាយ ផ្សព្វផ្សាយពីរបៀបធ្វើជីទឹក និងរបៀបប្រើប្រាស់ជីនេះ។ វត្ថុធាតុដើមដែលធ្វើជីទឹកនេះគឺផ្សំឡើងពីផ្លែឈើ និងមើមរុក្ខជាតិមានរសជាតិផ្អែម មានខ្លឹមសារដូចខាងក្រោម។