Home / ការកែច្នៃកសិផល / បទពិសោធន៍ធ្វើដំណាប់ប៉េងប៉ោះ (អ្នកមីង សុខ ចំរើន)

បទពិសោធន៍ធ្វើដំណាប់ប៉េងប៉ោះ (អ្នកមីង សុខ ចំរើន)

អ្នកមីង សុខ ចំរើន  រស់នៅខណ្ឌទួលគោក ក្រុងភ្នំពេញ មានបទពិសោធន៍ធ្វើដំណាប់ប៉េងប៉ោះមានរសជាតិឆ្ងាញ់។ បទពិសោធន៍នេះគាត់ចេះតៗពីម្តាយរបស់គាត់មក ដើម្បីទុកជាគំនិតចែកជូនកសិករសំរាប់ធ្វើការសាកល្បងតាម ខ្ញុំសូមបង្ហាញជូនបច្ចេកទេសធ្វើដំណាប់ប៉េងប៉ោះនេះដូចខាងក្រោម។

១. ធាតុផ្សំ

  • ប៉េងប៉ោះទុំចំនួន ២គីឡូក្រាម (សាច់ប៉េងប៉ោះសុទ្ធយកគ្រាប់ចេញ)
  • អំបិលបន្តិច ដើម្បីឱ្យផ្អែមមុត
  • ស្ករត្នោតចំនួន ៧​ ខាំ
  • កំបោរបន្តិចប៉ុនមេដៃ។

២. របៀបធ្វើ

  • យកប៉េងបោះទុំល្អគ្មានស្នាមរលួយគ្រាប់តិចសាច់ច្រើនលាងទឹកឱ្យស្អាតរួចពុះជាពីរ តាមបណ្ដាយផ្លែ ដើម្បីឆ្កឹះយកគ្រាប់ចេញ
  • យកប៉េងប៉ោះ ដែលឆ្កឹះគ្រាប់ចេញត្រាំទឹកកំបោររយៈពេលប្រហែល១ ម៉ោងកន្លះ ដើម្បីឱ្យស្វិតសាច់
  • បន្ទាប់មកលាងសំអាតសាច់ប៉េងប៉ោះជាមួយទឹកធម្មតាពី៣-៤ដង ដើម្បីកុំឱ្យធំក្លិនកំបោរនៅពេលលាង​ហើយត្រូវពូតឱ្យស្រស់ទឹកដាក់ក្នុងកញ្រែង
  • ដាក់ស្ករត្នោតនៅក្នុងឆ្នាំងកូរឱ្យឡើងជើងអង្រ្កង ដោយដាក់ភ្លើងចង្រានតិចៗ ដើម្បីកុំឱ្យខ្លោចស្ករ និងបង់អំបិលចូលបន្តិច ដើម្បីឱ្យផ្អែមមុត បន្ទាប់មកដាក់ប៉េងប៉ោះចូល រួចកូរឱ្យសព្វដល់ឆ្អិនសាច់ប៉េងប៉ោះ (ឆ្អិនល្មមកុំឱ្យរលួយ) ទើបដាក់ចុះពីភ្លើចង្រ្កាន។

ជាទូទៅនៅរដូវខ្លះ ​បងប្អូនកសិករដាំប៉េងប៉ោះបានច្រើនហូបមិនអស់លក់មិនអស់ជន់នៅលើទីផ្សាលក់បានតំលៃថាក ដូច្នេះសូមបងង្អូនកសិករសាកល្បងកែច្នៃធ្វើដំណាប់ប៉េងប៉ោះ ដើម្បីរក្សាទុកបានយូរ និងលក់បានតម្លៃថ្លៃជាងនៅស្រស់៕\

ដកស្រង់ចេញពីសៀវភៅស្តីពី ការកែច្នៃចំណីអាហារ របស់អង្គការសេដាក

សហគមន៍សម្បូរសប្បាយ

អំពី khmercms

Avatar

អត្ថបទពាក់ព័ន្ធ

វិធីធ្វើជ្រក់ខ្ញី (សំរាប់អ្នកចង់បង្កើតសិប្បកម្មធ្វើជ្រក់ខ្ញី)

ក្នុងមួយថ្ងៃៗមានបងប្អូនជាច្រើនបានគិតរកមុខរបរចិញ្ចឹមជីវិត ក្នុងនោះក៏មានការកែច្នៃកសិផលផងដែរ។ នៅពេលនេះ​សហគមន៍សម្បូរសប្បាយ បង្ហាញនូវអត្ថបទមួយដែលនិយាយអំពីការធ្វើជ្រក់ខ្ញីមានក្បួនខ្នាតត្រឹមត្រូវ ពិសេសត្រូវនឹងអ្នកមានបំណងបង្កើតសិប្បកម្មធ្វើជ្រក់ខ្ញី។