Home / កសិកម្ម / បទពិសោធន៍ធ្វើចំណីមាន់ផ្សំពីដើមចេក និងកន្ទក់

បទពិសោធន៍ធ្វើចំណីមាន់ផ្សំពីដើមចេក និងកន្ទក់

ការចិញ្ចឹមមាន់ គឺកសិករត្រូវយកចិត្តទុកដាក់ទៅលើចំណុចពី៤ទៅ៥ ក្នុងនោះបញ្ហាចំណី​ជា​បញ្ហា​ចម្បង ដែលវាពាក់ពាន់នឹងថ្លៃដើម ក៏ដូចការលូតលាស់របស់មាន់។ តទៅនេះ សហគមន៍​សម្បូរ​សប្បាយ ​សូមជម្រាបជូនកសិករអំពីបទពិសោធន៍ការផ្សំចំណីមាន់ពី ដើមចេក កន្ទក់ និង​ធាតុ​ផ្សំ​បន្ទាប់​បន្សំមួយ​ចំនួន​ទៀតដូចខាងក្រោម។

ធាតុផ្សំ

  • ដើមចេក ៦០គីឡូក្រាម (ហាន់តូចៗរួចបុក)
  • កន្ទក់ ៣០គីឡូក្រាម
  • អាចម៍គោ ៤គីឡូក្រាម (ហាលស្ងួតរួចបុកឱ្យល្អិត)
  • អំបិលម៉ដ្ឋ ២,៥ខាំ (២ខាំកន្លះ)
  • ចុងអង្ករ ២គីឡូក្រាម
  • ដីឥដ្ឋ ១គីឡូក្រាម (ហាលស្ងួតរួចកិនឱ្យម៉ដ្ឋ)
  • ស្ករស ១គីឡូក្រាម។

វិធីធ្វើ

  • យកអាចម៍គោ ចុងអង្ករ អំបិល ដីឥដ្ឋ និងស្ករស លាយចូលគ្នាឱ្យសព្វ (១)
  • យកកំទេចដើមចេក និងកន្ទក់ លាយបញ្ចូលគ្នាឱ្យសព្វ (២)
  • បន្ទាប់មកយក (១) និង (២) លាយបញ្ចូលគ្នាឱ្យសព្វ រួចយកទៅដាក់ចូល​ក្នុងធុងជ័របិទ​ឱ្យ​ជិត​កុំ​ឱ្យ​ខ្យល់ចូលបាន។
  • ទុករយៈពេល៥ថ្ងៃ គឺកសិករអាចបើកធុងជ័រយកចំណីផ្សំនេះទៅឱ្យមាន់ស៊ីបាន។​

សូមបញ្ជាក់ថា ចំណីផ្សំនេះ គឺកសិករអាចទុកបានយ៉ាងយូរតែ៧ថ្ងៃប៉ុណ្ណោះ បើលើសពី​រយៈ

ពេលនេះគឺគុណភាពថយចុះ ឬខូចគុណភាព។ ហេតុនេះ ការផ្សំកសិករគួរផ្សំទៅតាម​ចំនួនមាន់​ដែល​​ខ្លួនមាន។ ចំពោះប្រូតេអ៊ីននៅក្នុងចំណីដែលផ្សំនេះមានចាប់ពី ២៥ ទៅ ៣០% គឺអាច​លើស​ចំណីប៉ាវ​មួយចំនួនទៀត​ផង។

កសិករគួរធ្វើចំណីមាន់ផ្សំពី ដើមចេក កន្ទក់ អាចម៍គោ អំបិលម៉ដ្ឋ ចុងអង្ករ ដីឥដ្ឋ និងស្ករសនេះ ដើម្បីទទួលបាននូវបទពិសោធន៍ជាក់ស្តែង៕

ដកស្រង់ចេញពីក្លីបវីដេអូបង្ហោះក្នុងហ្វេសប៊ុកលោក អ៊ាង សុផល្លែត ដែលក្លីបវីដេអូនេះទទួលបានពីលោក Meas Kanha

សរសេរអត្ថបទដោយលោក ប៉ោ សេដ្ឋា

សហគមន៍សម្បូរសប្បាយ

Loading...

អំពី

អត្ថបទពាក់ព័ន្ធ

បទពិសោធន៍បន្សុទ្ធពូជស្រូវ (កសិករ ហ៊ួយ ប៊ន)

លោកអ៊ំ ហ៊ួយ ប៊ន ជាកសិកររស់នៅភូមិចំបក់​ ឃុំចុងអំពិល ស្រុកកញ្ច្រៀច ខេត្តព្រៃវែង។ គាត់ជាកសិករសហការជាមួយអង្គការសេដាក ​ចាប់ពីខែមិថុនា ​ឆ្នាំ២០០៨ ដែលកន្លងមកគាត់បានទទួលការបណ្តុះបណ្តាល​បច្ចេកទេសជាច្រើនពីអង្គការសេដាក។