Home / ការកែច្នៃកសិផល / បទពិសោធន៍ធ្វើស្ពៃជ្រក់

បទពិសោធន៍ធ្វើស្ពៃជ្រក់

អ៊ុំស្រី ឡេង យាត ជាកសិកររស់នៅភូមិគោកងួន ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ គាត់មានបទពិសោធន៍ល្អក្នុងការធ្វើស្ពៃជ្រក់ ដែលមានរសជាតិឆ្ងាញ់ស្រួយ និងអាចរក្សាទុកបានយូរ​ទៀត​ផង​។ បទពិសោធន៍នេះមានបង្ហាញជូនដូចខាងក្រោម។

ធាតុផ្សំ

  • ស្ពៃទំងន់ ៤០ គីឡូក្រាម
  • អំបិល ២ គីឡូក្រាម
  • ស្ករត្នោត ០,៣ គីឡូក្រាម។

២-អនុវត្ត

  • យកស្ពៃមកលាងទឹក ២-៣ដងឱ្យស្អាត និង​សំដិលក្នុងជាល ឬកញ្ឆេឱ្យស្រស់ទឹក
  • ដាំទឹកឱ្យពុះយកស្ពៃមកស្រុះទឹករក្សាទុកឱ្យត្រជាក់
  • ដាំទឹកស្ករ និងអំបិលឱ្យពុះ ទុកឱ្យត្រជាក់
  • ស្ពៃត្រជាក់យកទៅរៀបនៅក្នុងពាង រួចចាក់ទឹកអំបិល និងទឹកស្ករដាំរួចទៅក្នុង​ពាងរក្សា​ទុក​ដោយគ្របឱ្យជិតរក្សាទុករហូតដល់រយៈពេល ២ ទៅ ៣យប់ ទើបអាចយកស្ពៃទៅ​លក់ និងហូបបាន។

ដំណាំស្ពៃនេះ គាត់ដាំដោយខ្លួនឯងនៅក្នុងចំការ ដោយសារឈ្មួញមកទិញឱ្យតម្លៃ​ថោក

​ពេក គាត់ក៏បានកែច្នៃធ្វើជាស្ពៃជ្រក់សំរាប់លក់វិញ។ តាមរយៈបទពិសោធន៍ការធ្វើ​ខាង​លើនេះ ធ្វើឱ្យគាត់អាចទទួលបានប្រាក់ចំណូលច្រើនគួរសម ហើយចំពោះរបៀបធ្វើក៏មិនលំបាកទៀត ដូច្នេះគាត់យល់ឃើញថា ដំណាំនេះក្រៅពីគាត់លក់ស្រស់ គាត់អាចធ្វើការកែច្នៃវាបាន៕

ដកស្រង់ចេញពីសៀវភៅស្តីពី ការកែច្នៃចំណីអាហារ របស់អង្គការសេដាក

សហគមន៍សម្បូរសប្បាយ

អំពី khmercms

Avatar

អត្ថបទពាក់ព័ន្ធ

វិធីធ្វើជ្រក់ខ្ញី (សំរាប់អ្នកចង់បង្កើតសិប្បកម្មធ្វើជ្រក់ខ្ញី)

ក្នុងមួយថ្ងៃៗមានបងប្អូនជាច្រើនបានគិតរកមុខរបរចិញ្ចឹមជីវិត ក្នុងនោះក៏មានការកែច្នៃកសិផលផងដែរ។ នៅពេលនេះ​សហគមន៍សម្បូរសប្បាយ បង្ហាញនូវអត្ថបទមួយដែលនិយាយអំពីការធ្វើជ្រក់ខ្ញីមានក្បួនខ្នាតត្រឹមត្រូវ ពិសេសត្រូវនឹងអ្នកមានបំណងបង្កើតសិប្បកម្មធ្វើជ្រក់ខ្ញី។