បទពិសោធន៍ធ្វើផ្អកផ្កាស្នោ

អ្នកមីង ណាត ជាកសិកររស់នៅភូមិស្រឹង្គ ឃុំទំនប់ ស្រុកបាធាយ ខេត្តកំពង់ចាម។ អ្នកមីង​មាន​បទពិសោធន៍ល្អក្នុងការកែច្នៃធ្វើផ្អកផ្កាស្នោទុកសម្រាប់បរិភោគដល់ពេញមួយឆ្នាំ។ របៀបរៀបចំធ្វើផ្អកផ្កាស្នោបង្ហាញជូនដូចខាងក្រោម។

១-គ្រឿងផ្សំ

• ផ្កាស្នោ ៦ គីឡូក្រាម
• ស្ករត្នោត ៣ ស្លាបព្រាបាយ
• អំបិល ៣ ខាំ។

២-របៀបធ្វើផ្អក

• យកផ្កាស្នោបូតយកទងចេញឱ្យស្អាត និងរក្សាទុកឱ្យស្រស់ទឹក
• យកផ្កាស្នោទៅលាយជាមួយអំបិល និងស្ករត្នោតឱ្យសព្វ និងផ្អាប់ទុកឱ្យបាន១យប់  ដើម្បីឱ្យ

ផ្ការស្នោទ្រោម

• យកកែវធំញាត់ផ្កាស្នោឱ្យណែន តែកុំឱ្យដល់មាត់កែវគឺឱ្យនៅសល់ពីមាត់កែវប្រមាណ ១ចង្អុល​ដៃ ដើម្បីទុកឱ្យទឹកជោឡើងមកលើ។

ក្រោយពេលធ្វើបានមួយអាទិត្យ  យើងដួសយកផ្អកផ្កាស្នោយកទៅបរិភាគតាមបរិមាណ ដែល

យើង​អាចបរិភោគអស់ក្នុងរយៈពេលម្តង។ របៀបកែច្នៃយកទៅបរិភោគ គឺយើងដាំទឹកស្ករឱ្យពុះនិងទុកឱ្យ​ត្រជាក់ រួចចាក់ចូលទៅក្នុងផ្អកផ្កាស្នោ រក្សាទុកមួយថ្ងៃមួយយប់ (ផ្អកផ្កាស្នោដែលដួសចេញមក)។ ប្រសិនបើមានសណ្ដែកបណ្ដុះដាក់លាយជាមួយកាន់តែឆ្ងាញ់ពិសារថែមទៀត៕

ដកស្រង់ចេញពីសៀវភៅស្តីពី ការកែច្នៃចំណីអាហារ របស់អង្គការសេដាក

សហគមន៍សម្បូរសប្បាយ