Home / កសិកម្ម / បទពិសោធន៍កម្ចាត់ក្រាភ្លើងលើដំណាំស្រូវ

បទពិសោធន៍កម្ចាត់ក្រាភ្លើងលើដំណាំស្រូវ

ធាតុផ្សំសម្រាប់ធ្វើថ្នាំកម្ចាត់ក្រា            

លោកពូ សែម សាត ជាកសិកររស់នៅភូមិកំប៉ោ ឃុំបឹងត្រាញ់ខាងត្បូង ស្រុកសំរោងទង ខេត្តកំពង់ស្ពឺ។ គាត់មានបទពិសោធន៍ល្អក្នុងការកម្ចាត់ក្រាភ្លើងលើដំណាំស្រូវដែលបទពិសោធន៍​​នេះមានបង្ហាញជូនដូចខាងក្រោម៖

ធាតុផ្សំ

  • ស្លឹកស្ដៅ ២គីឡូក្រាម
  • ទន្ទ្រានខែត្រ ២គីឡូក្រាម
  • អំបិល ២គីឡូក្រាម
  • លាមកគោស្រស់ ១០គីឡូក្រាម។

របៀបផ្សំ

យកស្លឹកស្តៅ និង ទន្ទ្រានខែត្រ មកហាន់ឲ្យ​ល្អិត ហើយដាក់អំបិល លាមកគោស្រស់ ច្របល់ឲ្យសព្វជាការស្រេច បន្ទាប់មកយើងអាចយកវាទៅប្រើប្រាស់បានដោយមិនចាំបាច់ចំណាយពេលយូរទេ គឺធ្វើភ្លាមអាចប្រើបានភ្លាម។

របៀបប្រើ

ពេលច្របល់រួចហើយ យើងអាចយកវាទៅដាក់រោយនៅចំគុម្ពរុក្ខជាតិដែលមានជំងឺ។ បើយើងមានថ្នាំច្រើន អាចដាក់ច្រើននៅលើដីស្រែទាំងអស់ក៏បាន។ ព្រោះវាអាចកម្ចាត់ជំងឺក្រានេះបាន និងធ្វើឲ្យដំណាំស្រូវរបស់យើងអាចលូតលាស់បានល្អផងដែរ។

ចំណាប់អារម្មណ៍

ក្រោយពីលោកពូបានប្រើថ្នាំនេះហើយ គាត់មានប្រសាសន៍ថា វាពិតជាមានគុណភាពល្អ អាចឲ្យបងប្អូនកសិករធ្វើការសាកល្បងប្រើឲ្យបានគ្រប់ៗគ្នា៕

 

ពាន សុខា  

Loading...

អំពី

អត្ថបទពាក់ព័ន្ធ

បទពិសោធន៍ដាំក្ដាត

បងប្រុស ច័ន្ទ ដារ៉ា រស់នៅភូមិសេរីរ័ត្ន ឃុំស្រែសង្គម ស្រុកកោះញែក ខេត្តមណ្ឌលគិរី។ គាត់មានបទពិសោធន៍ដាំក្ដាតដុះលូតលាស់បានផលល្អ។ ក្ដាតនេះគាត់ដាំសំរាប់បរិភោគក្នុងគ្រួសារ និងលក់។ ចំពោះបទពិសោធន៍នៃការដាំនេះសូមបង្ហាញជូនដូចខាងក្រោម។